أتارى

فى عصر التابلت والإكس بوكس والپلاى ستيشن يعود مواليد السبعينيات والثمانينيات لما يعرفونه من ألعاب... جيل الأتارى والألعاب الرقمية الليّ كانت أول طفرة فى الgaming industry.
«أتارى» كان الاسم الدارج لمجموعة الألعاب دى، لكن فى الحقيقة ده كان اسم الشركة الليّ عملت الجهاز ده، جهاز أشبه بصندوق الدنيا.
شركة أتارى تأسست فى سانيفيل فى كاليفورنيا فى سنة 1972 وكانت شركة رائدة فى ألعاب الصالات وأجهزة ألعاب الفيديو والكومپيوتر المنزلية.
منذ بداية الشركة عملت طفرة وغيرت شكل صناعة الترفيه الإلكترونى.
كان الجهاز السحرى ده بيتوصل بالتيلفزيون وكان فيه منه بشرايط ومنه متبرمج داخلياً ودة تحديداً طلع بعد شوية.
أول ما تشغله وتحط شريط اللعبة الليّ عايزها تظهر شاشة سوداء والمنيو بتاع اأألعاب باللون الأخضر الفسفورى، من اشهر الألعاب الليّ لعبناها كان سوپر ماريو - وده كان بطلها ماريو فى مملكة الفطر وفيها الهدف إنه ينقذ الأميرة فى اخر اللعبة.
وعلشان يعمل كده بيقابل حواجز وتحديات كتير لازم يعديها وفى خلال مروره فى المراحل المختلفة بيلاقى زى أحجار يخبطها براسه فتطلع له نجمة أو تديله پوينتس ومهمته انه يفضل يجمع فى الپوبنتس والنجوم وميقعش فى الحفر أو يتاكل من الأعداء.
وكمان كان فى لعبة پاك مان ودى عبارة عن متاهة فيها 240 نقطة لازم ياكلها پاك مان بدون ما تاكله الأشباح فى اللعبة - وفيه 4 أركان لازم يروصلهم علشان يخلص النقاط البيضاء دى ويطلع للمستوى الأعلى.
طول ما پاك مان بيمشى فى المتاهة وبياكل النقط البيضاء بيطلع له الأشباح ولو خبط فى واحد فيهم بيموت، فى اللعبة فى بعض المنشطات لزيادة لقوة پاك مان لو كلها بتتحول الأشباح للون الأزرق الغامق وساعتها يقدر پاك مان ياكلها.
كانت موسيقى اللعبة مميزة كدة ودى صوت لكل نقطة بيضاء يتم أكلها.
ومين يقدر ينسى لعبة مورتال كومبات أتارى أو M.K زى ما كنا بنسميها.
ودى لعبة فنون قتال وكان فيها شخصيات معروفة ومميزة فى فنون القتال العامة أو قتال الشوارع، كانت لعبة بيحبها الولاد بس كمان بيلعبها البنات وفيها أبطال خارقين بيستمروا فى المحاولات ويهزموا الليّ قدامهم ويوصلوا للنهاية ويكسبوا المسابقة.
كان من أهمهم: جونى كايج – جورو – سب زيرو – سكوربيون – لوكانج سونيا – رايدن.
نيجى بقى للعبة كانت مكسرة الدنيا ودى اسمها تايجر هيللى، ودى عبارة عن لعبة هيلكوپتر بتمشى بشكل عمودى فوق مساحات كبيرة، هى لها طابع عسكرى وفيها اللعب بيتم فى المروحية الهجومية بترمى قنابل من فوق لتخلص من العدو.
الأتارى مكانش لجيل مواليد السبعينيات والثمانينيات مجرد لعب كومپبوترية جديدة، الأتارى كانت طفرة فى عالم الترفيه أول من عرفها هو هذا الجيل المختلف الليّ شهد على قرنين من الزمان وعاش الألفية.