.. وأنسى الماضى ومشاكله أنا اللى نص عمرى كلام.. ونصه التانى مش فاكره خدتنى الدنيا وجابتنى وياما بقسوة عاندتنى وحبّتها وحبّتنى.. وخطفت منى وادتنى وعمر ف يوم ما سألتنى ولا جاوبتنى ليه ؟!!! وبكام ؟!! حياة قادرة ومضطرة.. وحلوة حتى لو مُرّة وجيهة وطبعها فيها ومش بتجيبه من برة تعيد الدرس ميت مرة.. وما بيتمرشى فينا علام بتفتح حضنها وتكش.. وتظهر كل ساعة بوش
تبات تشهد على الحكايات وتزرع من سكات وتحش تغش إللى ف دمه الغش.. وتوهم عاشق الأوهام وأنا الصابر وأيوبها.. وعمرى ما كنت محسوبها قبلت عيوبها وذنوبها.. وبغزل توبى من توبها فنيت العمر ف دروبها.. وفارد خطوتى لقدام لأنى قادر أتخيل.. بإنى كنت يوم عيل صغير جسمى وقليّل.. ولمّا الدنيا بتليّل يفوت الحلم ويميّل على قلبى ويرمى سلام وقادر أصالح الأيام..