جمال بخيت يكتب : يامصر آمنة

حسيت مُحمد بيقول لعيسى
أنا قلبى جامع يحفظ كنيسة
وكأن عيسى بيقوله سامع
البشرى جاية من كل جامع
حسيت كأن الملايكة قالوا
ف مصر دايما نفوس نفيسة
أنوار مُحمد وحضن عيسى
أنا شوفت شجرة بغصون نَدية
حبيت فروعها المريمية
أكلت منها لقيتنى باسعى
والنور ف قلبى.. حمام وغّية
صليت ف الازهر.. ودخلت سامر
حضرت حضرة مُحمدية
رَوّحت منها وقلبى عامر
وروحى فيها أنوار خفية
حسيت مُحمد بيقول لعيسى
أنا قلبى جامع يحفظ كنيسة
وكأن عيسى بيقوله سامع
البشرى جاية من كل جامع
حسيت كأن الملايكة قالوا
ف مصر دايما نفوس نفيسة
أنوار مُحمد وحضن عيسى
يا مصر آمنة.. بقلوب مآمنة
عُنصرنا واحد واسأل عَلمنا
ف قلوبنا مسجد حنان وطيبة
وإن زرت ديرنا تعرف كرمنا
منا المشايخ.. منا المطارنة
ليهم جميعا كل احترامنا
ولما ربك يبعت مطرنا
ميّتنا تروى عطش صيامنا
حسيت مُحمد بيقول لعيسى
أنا قلبى جامع يحفظ كنيسة
وكأن عيسى بيقوله سامع
البشرى جاية من كل جامع
حسيت كأن الملايكة قالوا
ف مصر دايما نفوس نفيسة
أنوار مُحمد وحضن عيسى