نهر الحياة

وشوشة ..
على صفحة الإحساس
وكل لون بارسمه..
ممكن يا ناس يتباس
وكل لحن اتعزف..
لملايكة الجنة
بتيجى لحظة فرح
ويسمعوه الناس
....
غنوا يا أهل الطرب
يا أهل الطرب غنوا
الفن نهر الحياة
شرب الوجود منه
وكل يوم نحياه
لمس الهوى فنه
ولا نور سواه عشناه
جوه القلوب لمّاس
وكل لحن اتعزف
لملايكة الجنة
بتيجى لحظة فرح
ويسمعوه الناس
…….
غيران يا ورد الندى
باين عليك غيران
إحنا ملينا الفضا
وانت أسير بستان
إحنا روينا البشر
وانت رواك إنسان
الشوك معاك يحرسك
واحنا بلا حراس
وكل لحن اتعزف
لملايكة الجنة
بتيجى لحظة فرح
ويسمعوه الناس