ما تحب انت كمان

وتنور وتبان
وتهاجر من حزنك
وتسيب له العنوان
عنوان العشاق
ف بلاد الأشواق
شارع أهل الحب
ف ميدان الأحضان
ما تحب انت كمان
ما تحب
....
ما تحب وتتحب
وتعيش الإحساس
وتبوس إيد الحب
أيامك تتباس
ما تعيش ويا حبايبك
وتشيلهم ف الننى
وتسافر وياهم
للدنيا اللى تغنى
وان غابوا يوم عنك
اوصِلهم بحنان
ما تحب انت كمان
ما تحب
.......
ما تسيب اللى اختاروا
يتهنوا مع بعض
وإن شالله يحتاروا
ف القرب وف البعد
إيه يعنى لو طاروا
ف السما من فرحتهم
إيه يعنى لو انهاروا
أو خلصت حكايتهم
خليك انت ف قلبك
وف حبك غرقان
ما تحب انت كمان
ما تحب