فيديو.. أهالي حلوان تدخلوا لقتل مهاجم الكنيسة.. ووزير الداخلية يكرّم الشرطة ل«روح البطولة»!

كرّم اللواء مجدي عبدالغفار، وزير الداخلية، مساء الجمعة، مدير أمن القاهرة ومدير الإدارة العامة لمباحث القاهرة ومأمور قسم شرطة حلوان وأربعة شرطيين من قوته؛ لما أسماها «روح البطولة» المتجسدة في دفاعهم عن أرواح المصريين أثناء الاحتفال بعيد الميلاد المجيد.
وقُتل عشرة أشخاص وأصيب خمسة آخرين، بينهم ضابط ومجندان، في هجوم مسلّح استهدف كنيسة مارمينا بمنطقة حلوان صباح اليوم الجمعة، كما قُتل أحد منفّذيه وقُبض على آخر.
وعلى الرغم من ادّعاء الوزير، أظهر مقطع مصوّر من مبنى مجاور للكنيسة منفذ الهجوم يتجوّل بكل أريحية أمامها، قبل تبادل إطلاق النار مع طواقم الأمن، وتدخَّل الأهالي وألقوه بالحجارة فسقط قتيلًا.
وزعم الوزير أنّ ما يقدمه رجال الشرطة من تضحيات يعكس إيمانهم بالرسالة التي يحملونها على أعناقهم تجاه الوطن، واكتفى بتوجيه التعازي لأسر القتلى ومتمنيًا الشفاء العاجل للمصابين.
يأتي هذا الهجوم بعد أقل من تسعة أشهر على مقتل 45 شخصًا في هجومين استهدفا كنيستين في الإسكندرية وطنطا أثناء قدّاس عيد الشعانين في أبريل الماضي. وفي 26 مايو الماضي، قُتل 29 شخصًا في هجوم لمسلحين على حافلة تقلّ أقباطًا لزيارة دير بمحافظة المنيا. وفي ديسمبر 2016 قُتل 29 شخصًا في تفجير انتحاري تبناه «تنظيم الدولة».
وفي 26 نوفمبر الماضي، قُتل 305 أشخاص، بينهم 27 طفلًا، في اعتداء على مسجد الروضة بشمال سيناء، الذي مثَّل أسوأ اعتداء تشهده البلاد في تاريخها الحديث. وعلى الرغم من أنه لم يتبنَّ أيّ تنظيم هذا الاعتداء حتى الآن، أعلنت النيابة أنّ «30 مسلحًا يحملون عَلم تنظيم الدولة فتحوا النار على المصلّين أثناء أدائهم صلاة الجمعة».
بطولات زائفة
من جانبهم، نشطت تعليقات مرتادي «تويتر» مستنكرين البطولات الزائفة للأجهزة الأمنية وإنكار دور الأهالي؛ كالتالي:
#حلوان الجدير بالذكر أن وزير الداخلية كرم قوة تأمين الكنيسه ال كانوا في المدرعه pic.twitter.com/8kMtJLx3Aa
— عاطف ???????? (@R_A_M_A_D_N) December 29, 2017
أنا عايز أسأل سؤال بسيط بس في موضوع حلوان ده، هو الداخلية بتشتري مدرعات ليه هو مش هتضرب منها نار على واحد ماشي يتمختر بالسلاح في وسط الشارع والمدرعة معدية جنبه؟!
— Ahmed Al-Ish (@AhmdAlish) December 29, 2017
مش فاهم وزير الداخلية كرم قيادات الامن بامارة ايه???? دة لولا شجاعة الناس في الشارع اللي ضربوا نار ورموا نفسهم علي الارهابي كانت هتبقي مذبحة والامن بيتفرج ???????? دة غير المدرعة اللي شافت الارهابي بيتمشى ومعاه سلاحه فدخلوا شمال وسابوه ???? تكونش دي القوة الغاشمة واحنا مش فاهمين ????????????
— عمدة التغذية♒التخسيس (@EmadHShaker) December 29, 2017
قالك وزير الداخلية كرم ضباطه لنجاحهم في عملية #حلوان .أفشل جهاز في الدولة على كل المستويات. يعني مصلحة المجاري عارفة تعمل شغلها عنهم والله.
— Omar Said (@omarsaid_) December 29, 2017
مدرعة الداخلية كانت بتهرب من الارهابى بدل ماتقبض علية
لا وتلاقيهم اسود على الشعب ياجدع #حلوان
— بشكاتب تويتر (@MO_25Jan) December 29, 2017
اكبر كذب للداخلية انها تصفي البشر ف اشتباك لكن اغلب الحوادث دلت ان الداخلية لا تصفي الا العزل وجبانة امام المسلحين وخير دليل ع الجبن هرب مدرعة امام مسلح واحد
— Skoko2999 (@Skoko29992) December 29, 2017
قالك فوضوني عشان احارب الارهاب و كل سنة من ساعة ما اتنيلوا فوضوه و الارهاب لازم يمسي علينا آخر السنه و يقولنا مساء الفل و مع السلامه 2017 و انتظروني في 2018 مش عارفه التفويض دا كان عشان هو يقضي علي الارهاب ولا عشان الارهاب هو اللي يقضي علينا
— Rania Mansour (@IRannia) December 29, 2017
كأنه مكتوب علينا نعيش ما بين خبر عن ناس اتفجرت وناس محبوسة ومستنية حكم وبينهم سلطة لا بتمنع إرهاب ولا بتتوقف عن اذي الخلق وحبسهم بدون وجه حق.#محاكمات_30_ديسمبر
— رشا عزب (@RashaPress) December 29, 2017
"احباط"عملية ارهابية تعنى ان حد كان ناوى يعمل عملية ارهابية وانت قبضت عليه قبل تنفيذها
اطلاقا لاتعنى انك قتلت الارهابى بعد العملية الارهابية
— Muslima (@egyptaya) December 29, 2017
كل عيد كده !! طيب مفيش حل ؟ دي اقصى الجهود يعني ؟ عشان نبقى عارفين بس !!
— A S M A (@asmaadel2) December 29, 2017
البلد دي مفيش فيها حد يعرف يرفع صوته ويقول حرام للنظام
يبقى ازاي فيها ارهاب يدخل كنيسه وجامع
السيسي هو زعيم الاهاب الحقيقي لو كنتم تعقلون#حلوان
— Ahmed Malek (@ahmedmalek94) December 29, 2017
#حلوان السيسي ونظامه له 4 سنين مفيش حادثة إرهابية واحدة نجح في إحباطها بالعكس زادت وأصبحت أبشع مفيش حد هيقول "مش قد الشيلة ماتشيلش انتم ماسكين في السلطة ليه" ولا "تجربتكم بنت ستين كلب" أو "إرحل يا فاشل" ولا ده لمرسي بس ؟
— No Home (@_iNadeemz) December 29, 2017