شوبير: بلاش متاجرة يا " أبوتريكة".. إنت كنت ولا حاجه في الترسانه- فيديو

هاجم الإعلامي احمد شوبير محمد ابوتريكة لاعب النادي الأهلي بسبب قراره بعدم المشاركة في لقاء السوبر تضامنا منه مع ألتراس الأهلي في مطالبهم بوقف النشاط الكروي في مصر وعدم خوض الأهلي للقاء السوبر قبل القصاص لشهداء الأهلي ببورسعيد.

وقال شوبير " أنت كنت إيه قبل ما تنتقل للأهلي كنت لاعب عادى في الترسانة محدش يعرف عنك حاجة، أنت الآن نجم كبير ولكنك ملك لناديك وفريقك".

وأضاف "النادي الأهلي هو اللي بيدفعلك عقدك وفلوسك وعملك بطل، بس مش أنتا اللي هتمشي النادي على مزاجك وتفرض عليه انو ينسحب من بطولة".

وتابع " بلاش متاجرة يا ابوتريكة، أنت انتخبك مرسى وأعلنت ده على عيننا وعلى راسنا.. بس أحب أقولك مش مرسى اللى هيدير الأهلي ولا رئيس الوزراء".

وأردف " فرحت ليه في مباريات الأهلي في إفريقيا ؟ فرحت ليه في الاولمبياد؟ هاتلى الفرق بين متش الملعب المالي وإنبي.. ولا هو الفوز في إفريقيا حلال وفي الدوري والسوبر حرام.. بلاش مزايدة لو كان ده موقفك من الأول ماشي إنما بعد كل ده.. إيه عيلين هيمشوك".

وأنتقل شوبير بالهجوم على رابطة ألتراس أهلاوي حيث أكد قيامهم بسرقة كؤوس من مقر إتحاد الكرة بالجبلاية وهو ما كانوا قد نفوه.

وتابع شوبير مش موجها حديثه للألتراس: "مش إنتوا اللي عملتو التشجيع في مصر.. التشجيع في مصر من يوم ما الكوره إتخلقت شوفوا الإستاد كان عامل إزاي في مباراة مصر والجزائر في تصفيات كاس العالم في التسعينيات وقبلها مباريات السبعينيات".

لمشاهدة الجزء الثاني.. إضغط هنا
مواد متعلقة:
1. بيان ناري ل"أولتراس أهلاوي".. ومهاجمين: "شوبير اللي إختشوا ماتوا"
2. شوبير يُهاجم الرئيس مرسي: أنت بتحمى الألتراس وبتسدد الفاتورة عشان إنتخبوك