"واهتز عرش الفل".. ديوان لكامل عيد تصدره قصور الثقافة

صدر حديثاً بالهيئة العامة لقصور الثقافة ديوان "واهتز عرش الفل" للشاعر كامل عيد عن سلسلة "أصوات أدبية".

يضم الديوان مجموعة قصائد "قصيدة النثر" منها "مصرع غصن الزيتون"، "من وحى كفاح جيفارا"، "أحد أحد"، "دموع رمسيس"، "حفيدته أمنية"، "واحة الأحبة"، "وطنى الأكبر"، "بورسعيديات"، "أغنيات للصغار"، "أزجال من زمان"، "حكاية جنية".

يقول شاعر المقاومة البورسعيدي كامل عيد في قصيدته "امتى يا موج تغني؟"

الموج ما بقاش يغنى
وان شافنا من بعيد
يودى وشه بعيد
يطيَّر الشماسى
ويعكر الأيام
واحنا اللى عز النّوه
ما فرقتنا القوة
قربنا أكتر وأكتر
وكبرنا بالأحلام
نملا الشبك من خيره
يفرح لنا ولطيره
ماكانش بيَّنا حساب
ولا كانش لينا هوى
إلا هواك يا بحر
و اللمّه و الأحباب
وبلهفة العشاق
الموج يسابق بعضه
عشان يقدم بوسه
لشطنا المشتاق
ولا تخلص الأشواق
والنورس اللى معدى
فى عنيه جمال إمبارح
لشط بحر المالح
أبو قلب ساع الكل
كانت قلوبهم لسه
طالعة من البيضة
أبيض بيحضن أبيض
ياسمين يبوس الفل
وكل يوم بيهل
يزرع شتايل حب
لا شجرة طرحت غل
ولا دمعه بلّه السكة
من حُرقة الموال
ولا كانش فيه عُزال
إمتى يا موج ح تغنى
إمتى يروق البال
الموج فضفض وقال
مفيش جواب يا بر
عندك رد السؤال