نشطاء: الحكم رسالة لكل قاتل وطاغية .. كن مطمئنا واقتل وانهب ماشئت .. فأنت معنا فى أمان

حتى لحظات قليلة مضت وبعد نحو الساعتين على النطق بالحكم في قضية المخلوع وعصابته، عبرت غالبية المشاركين فى استطلاع الرأي الذي نشرته صفحة "خالد سعيد" على موقع التواصل الألكتروني "فيسبوك" عن عدم رضاهم عن الحكم الصادر ضد رموز العهد البائد، وفيما يلي ننشر المزيد من تعليقات التشطاء فى كل من موقعي "فيسبوك" وتويتر" بشأن الحكم:
الناشط فريد زهران: الشعب المصرى يعاقب على عدم اقامة محاكمات استثنائية واللجوء للقضاء..والنتيجة جريمة بدون فاعل
الخبير الاستراتيجي عزمي بشارة: االانطباع الأول من قرارات محكمة مبارك غير مريح، وحتى سيء. ليس فقط بسبب الديباجة...
الناشط الحقوقي: جمال عيد: القلة المندسة اللي عملت ثورة ، يحاولون الان اعادتها ، كقلة فقط !
جمال عيد: الحكم ببراءة اسماعيل الشاعر وحسن عبدالرحمن اليوم ، وبدء التحقيق مع علاء عبدالفتاح ومنى سيف ،،،،،،،، هيه دي مصر يا عبلة !
الناشط السياسي عمر عاشور: اسوأ ما في الحكم الرسالة لقادة الأمن: "اقتل بلا خوف فلا توجد محاسبة"
6 أبريل: الحكم يطلق إشارة نضال جديد من أجل ثورة ثانية
صفحة "كلنا 6 أبريل": ميقدروش يحكمه على حد فيهم بالفساد المالى..لان لو حصل الحكم ده الفلوس اللى برا هترجع...عشان كدة كلهم اول حاجة خدوا براءة من قضايا الفساد المالى...
صفحة ثورة الغضب الثالثة: احنا فى الميدان ومش هنكتب حاجه على الصفحه تانى ... اللى عايزنا ينزلنا الميدان ... اللى شايف انه اخد حقه وكفايه لحد كدا يقعد فى البيت ... اللى شايف انه لازم يكمل الثوره ينزلنا فى الميدان ... احنا فى الميدان يعنى مش هتلاقى حد يكتبلك على الصفحه ... انزل انت واكتب بنفسك من تحت وعرفهم ان دم اخواتنا حرام و ان مصر لسه فيها رجاله يكملوا ثورتهم ...
الإعلامي "وضاح خنفر": خطأ المحكمة خير لأنه سينجح فيما فشلت فيه قوى الثورة: رص صفوف الثوار. خطأهم خير من صوابنا!
الحرة للتغيير السلمي: الحكم على مبارك رسالة للرئيس القادم: افعل ما بدا لك فأنت خارج المساءلة
هشام الشريف: افهم يا شعب مصر انت اضحك عليك لا فى محاكمات ولا فى فلوس اوعى تقول انا نازل انتخب اوعى حد يضحك عليك تانى ويقولك الانتقال السلمى للسلطه اوعى حد يضحك عليك ويقولك انا هعيد المحاكمات تانى قول انا نازل ارجع ثورتى اللى اتسرقت منى انا عايز محاكمات ثوريه.
عزة الصادي: شفيق رئيساً، جمال مبارك نائباً، اسماعيل الشاعر وزيراً للداخلية، ولفافة البانجو في انتظار كل خالد سعيد فى البلد
خالد طاهر: المستشار أحمد رفعت: بإسم مبارك قرر مبارك الحكم علي مبارك بالإقامة الجبرية بفيللا فاخرة فى سجن طره مع حبيب العادلى ليفوم بتسليته لحين حصوله علي البراءة
خالد طاهر: القضاء المصرى يحكم بإعدام الشهداء
إيمان العاصي: إنتهت المهزلة ..الشعب يريد تطهير القضاء ..الشعب مازال يريد إسقاط النظام .. الثورة مستمرة.
الريس إيهاب: أقل محامي فيكي يا بلد بنص جنيه حيجيب براءه لمبارك و العادلي في النقض و إفتكروا كلامي.
محمد حمودة: اسماعيل الشاعر اللي كان بيسوق العربية الديبلوماسية يوم 28 يناير اللي دهست الشهيد محمود خالد قطب من ضمن اللي اخدوا براءة في محاكمة هزلية.. عالتحرير كلنا إن شاء الله.
حسام الدين سيف: بعد ما خرجو ولاد ال..... بتوع داخلية العادلي تفتكرو مش هايخدو تارههم من الثوار .. إحنا بقي فضينالكم ياولاد ال... وياقاتلين يامقتولين.
منار الخولي: رفعت بالحكم دا بيقول للداخلية لو حد نزل مظاهرة اضربوهم بالمدفعية التقيلة وما تقلقوش شيوع التهمة هيحميكم وربنا يوفقكم.
عزة محمد: عاجل - الجزيرة مباشر: أنباء عن تنحي بشار الاسد وموافقته على الامتثال للمحاكمة، بشرط ان تكون امام القضاء المصري العادل.
حسين كاريوكي (ليبي): شكرا مصراتة انك جنبتينا مهزلة محاكمة مبارك”.
الناشط السعودي د. محمد الحضيف: أعدل المحاكمات التي جرت لطغاة سابقين، هي التي جرت لتشاوسيسكو دكتاتور رومانيا، والقذافي دكتاتور ليبيا. أحسن الرومانيون والليبيون صنعا.
د. حازم عبد العظيم: في حشد للنزول للتحرير على الساعة 5 .. اللي لسه الثورة جواه وعنده أمل ينزل . اللي مستني الانتخابات . براحته ايضا .. اشوفكم هناك ..
** فى السياق تناقل نشطاء هذا الفيديو الذي ذكر من قام برفعه أنه لم يسبق نشره من قبل: وقد تم تصويره يوم جمعة الغضب قبل أن يصاب المصور نفسه لاحقا:
http://www.youtube.com/watch?v=QlTY9eL32yQ