دماء العرب .. اب يحمل ابنته القتيله مكفنه من ضربات حلف الناتو

ليه ......؟
والجرم أيه .......؟
لما أب قدام عنيه
يموت ضناه بين أديه
من تانى ولحد مليون
دم العرب بيهون
من تانى وهى دى عاداتهم
يقتلوا اطفالنا وهى دى غايتهم
تقوللى حلف تقوللى غاره
احلفلك دول شلة عصابه
نصًابه
دماء العرب
نفس السيناريو والحوار
نفس المشاهِد باستمرار
والأبطال نفس الإبطال
نساء.. شيوخ ..أطفال
دماء على الحِطان
أشلاء جنب الجدار
وجوع للأمان
فى حُضن الأوطان
وصرخة طفل وشيخ وأم بتأن
وكسره فى العيون وهم ما يتلم
كل ده من غير حرب
شبر ورا شبر ونهب فى نهب
ودوله من ولا شئ بقت واقع ع الارض
وأصحاب الحق والأرض والعرض
بقا بينهم حرب وتركوا الأرض والعرض
أتنصب ليهم فخ أخ يقتل أخ
وتركوا القضية الأم
والحال بقى يغم
وأطفال وشيوخ ونساء بتنادى
حرام عليكُم بلادى
الحق لأصحابه
مُش للأعادى
خلاص هو ده العادى ؟؟؟؟؟
أيوه ده العادى
أحلامنا كل يوم تموت
أطفالنا من غير بيوت
أوطاننا مالهاش صوت
العرب رضيوا بالكسوت
أيادى الرجال بقت بسكوت
نرفض ونشجب وكمان ندين
والأقصى بريء مننا ليوم الدين
حكام فى وادى بعيد عن الشعوب
لا ناصر فيهم ولا سادات
واللى فات مات
والشعوب صابره صبر ايوب
لحد ما قتلوا فينا الأمل
زى اللى معمول لنا عمل
فجأه وقف الزمان
واتفك العمل
وبقينا تمام
ملايين فى كل مكان
شباب فجًروا بركان
غيًروا وجه الزمان
العرب بقا ليهم ميدان
والتحرير بقى فى كل مكان
تحية ليهم وتعظيم سلام
من اليوم ورايح
العين بالعين والسن بالسن
لا سلام ولا كلام
ولا ذن وعن
إلا لما ولاد العم
يعرفوا إن حلم الإستيطان
دا مجرد أوهام
ومن النيل للفرات
ده حق الاجداد