ملك أحمد زاهر عن محمد سامي: "أبويا الثاني وفخورة بالعمل معه"

أعربت الفنانة ملك أحمد زاهر عن امتنانها وتقديرها للمخرج محمد سامي، موجهة له رسالة عبر حسابها الرسمي على إنستجرام، وأكدت دوره الكبير في دعمها ومنحها فرصة مميزة في مسلسل "سيد الناس".
وقالت ملك أحمد زاهر في منشورها: "شكرًا أستاذ محمد، على الفرصة اللي اديتهالي والدور اللي أنا سعيدة بيه جدًا... من غيرك مكنتش حبيت الشخصية كده وعشت جواها".
وأضافت: "أنت مش بتسيب حد من فريق العمل، من الكبير للصغير، ودايمًا بتخاف على ممثليك وتهتم بكل التفاصيل، وده السبب في أنك تقدر تجمع كم النجوم ده في عمل واحد، لأن كل ممثل عنده ثقة غير محدودة فيك".
وأعربت عن سعادتها بردود الفعل الإيجابية التي تلقتها عن دورها، قائلة :"انا ماتوقعتش عمري رد الفعل ده على الدور دلوقتي خصوصًا إن الشخصية لسه هاتشد أكتر قدام بس حقيقي اللي يطلع في مشهد في مسلسل لمحمد سامي بيتشاف ويتميز بنفس القدر الي ممكن ياخده بعد 30 حلقة من أي عمل تاني مش بس مشهد واحد".
واختتمت رسالتها قائلة: "فخورة أني جزء من عمل مهم زي سيد الناس، وفخورة أني كنت اختيارك، ويا رب أكون قد الفرصة... شكرًا لأنك أبويا التاني، بحبك يا سمسم".
وتشارك ملك أحمد زاهر في بطولة مسلسل سيد الناس المعروض في رمضان 2025 على قناة MBC مصر، ويضم: عمرو سعد، إلهام شاهين، محمود قابيل، إنجي المقدم، ريم مصطفى، أحمد رزق، منة فضالي، نشوى مصطفى، أحمد فهيم، رنا رئيس، ياسين السقا.
اقرأ أيضًا:
قائمة مسلسلات النصف الثاني من رمضان 2025.. تعرض الأحد المقبل
خاص| زاهي حواس للمخرجين: بدل ما تخلي واحد يحب واحدة في كازينو خليه يحبها في الهرم