أمير مرتضى منصور يفتح النار على كهربا: "هرب وراح نادي تاني"

حل أمير مرتضى منصور المشرف السابق على الكرة بنادي الزمالك، ضيفًا على برنامج "أسرار" تقديم أمير بدر ويعرض يوميًا طوال شهر رمضان على قناة "النهار".
وتحدث "أمير" عن كواليس خروجه من نادي الزمالك، وعن مشاكل تعاقدات اللاعبين خلال الفترة الماضية، إلى جانب قضية لاعب النادي الأهلي محمود كهربا.
وقامت أميرة بدر بسؤاله: "أنت فيه لاعيب معين كنت عايز تحفزه كل ما تجيب جون هديك مبلغ صح؟".
ورد عليها "أمير" قائلا: "صح ولاعيبة كتير وكنت بقولهم لو كسبنا ماتش هديك 100 ألف جنيه هديك 70 ألف جنيه روح اصرفهم بعد الماتش، منهم مصطفى محمد وكهربا وأوباما".
لتعيد "أميرة" سؤاله مرة أخري: "ليه كنت بتشجع كهربا؟".
ورد عليها "أمير": "عشان كهربا كان لاعب مهم جدًا في الزمالك في فترة 2018، وكهربا لعب في الزمالك أول سنة معايا وبعدين حصلت المشكلة انه هرب وراح نادي تاني ومش شايفه هرب ده فيه حكم من الفيفا، بدون الدخول في تفاصيل لأنه قتل بحثًا وخلص عشان لاعيب في الاخر شاف من وجهة نظره أن العقد ده باطل وان النادي كان شايف أن العقد ممتد واحنا الاتنين روحنا الفيفا وهو خسر القضية أول درجة واتحكم ضده ب 32 مليون حنيه اللي هم كانوا ما يعادلوا ساعتها 2 مليون دولار".
واستكمل: "هو استأنف واحنا استأنفنا هو استأنف عشان يقلل المبلغ أو يلغيه، واحنا استئنفنا عشان نزود المبلغ ونحوله بالدولار، روحنا قدام المحكمة الرياضية والمحكمة الرياضية أيدت الحكم بتاعنا وغيرت المبلغ من 32 مليون جنيه ل 2 مليون دولار، وكهربا طلع في حلقة تلفزيونية مع سيف زاهر سأله وفي الفيديو ده احنا حاطينه في القضية قاله يا كهربا انت عقدك فاضل فيه قد ايه مع الزمالك، قالوا أنا عقدي فاضلي فيه سنتين بس أنا جددت سنتين فوق السنتين وهو خسر القضية بسبب الفيديو ده، وسيف زاهر سأله تاني يعني انت عقدك فاضل فيه 4 سنين، قاله أيوة عقدي لسه فيه 4 سنين".
اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز
"مش هنرجع تاني أبدًا".. هشام ماجد يكشف سبب انفصاله عن أحمد فهمي