"كان بيلعب مع المنافس ".. رضا عبدالعال يوجه رسالة نارية لإمام عاشور

علق رضا عبدالعال، نجم الزمالك السابق، على مستوى إمام عاشور، لاعب الأهلي، مع منتخب مصر أمس في مباراة موزمبيق، في الجولة الأولى من بطولة كأس الأمم الأفريقية.
وكان منتخب مصر تعادل أمس مع موزمبيق بهدفين لكل فريق، خلال المباراة التي أقيمت بينهما في الجولة الأولى، من دور المجموعات لبطولة كأس الأمم الأفريقية التي تقام في كوت ديفوار.
قال رضا عبد العال في لقاء تلفزيوني عبر قناة "ten": هو إمام عاشور كان بيلعب في الماتشات الودية عشان تلاعبه في الرسمي؟ ده لو مهند لاشين لبس تيشرت الأهلي هيقولوا عليه أحسن لاعب وسط في مصر، والمفروض النني وحمدي فتحي ما يلعبوش تاني".
أضاف: "إمام عاشور عمل إيه مع المنتخب؟ نزل وكان كل الباصات غلط، ده فيه واحده ضيع بيها وقت عند الكورنر، والتانيه اتلغبط فيها ولعبها للمنافس".
أكمل: "على الورق منتخب مصر كان يحقق مكسب كبير، خاصة بعد إحراز الهدف الأول، المبكر، وكانت هتبقى رسالة قوية للمنافسين أن المنتخب قوي".
أردف: "فيتوريا متفرجش على منتخب موزمبيق، ده إحنا عندنا لاعيبه تخض وعلى رأسهم محمد صلاح طبعا، وكان المفروض نستغل ده، خاصة وأن المنافس مجهول".
أوضح: "على أي أساس كان بيلعب أتنين ديفندر في وسط الملعب ومبيضغطوش؟ ده اللي كان بيعمل كدا اللاعبين اللي قدام زي زيزو ومصطفى محمد، وإحنا اللي ادينا المنافس الثقة".
أكمل: "مش عارف فيتوريا كان واقف على الخط بيعمل أيه، ليه معملش تغيير في نصف الملعب، وينزل مروان عطية على الأقل بيضغط، ربنا اللي عالم بينا عشان كدا خدنا ضربة جزاء، بس فيه مجاملات في التشكيل والاختيارات".
وشدد: "إزاي أحمد حجازي يلعب أساسي، وياسر إبراهيم برا، ده هو سبب دخول الهدف الثاني، هو احنا هنقضيها شكر في اللاعبين وشؤون اجتماعية بس في المنتخب؟".
أتم تصريحاته: "في مباراة زي دي، لازم يكون موجود من البداية أحمد فتوح وعمر كمال، عشان تكسب، ده فيه لاعيبه موجودة مش عارفه تباصي، وكان المفروض يبقى موجود مهند لاشين في التشكيل الأساسي".
اقرأ أيضًا:
والد إمام عاشور: تشكيل المنتخب معجبش الجماهير.. وفين ابني وكهربا؟
كأس الأمم الأفريقية.. قناة مفتوحة مجانا لمشاهدة مباراة الجزائر وأنجولا
"مفاجأة سارة للجماهير".. الزمالك يعلن الاتفاق مع سبورتينج وموعد فتح القيد
"مكنش لينا معالم وكهربا لازم يبدأ".. تعليق ناري من رضا عبدالعال بعد تعادل مصر مع موزمبيق