"فوق خيالي وأحلامي".. حنان مطاوع عن ردود فعل المشاهدين عن أدوارها في رمضان

أعربت الفنانة حنان مطاوع، عن سعادتها بردود الفعل على أعمالها التي قامت بها في شهر رمضان الماضي، قائلة: "الحمدلله ممتنة جدًا لكل اللي بيقوله عليا المشاهدين، واللي عملوه كان فوق خيالي خالص ولا كان في أحلامي".
وأضافت "حنان" في حوارها لبرنامج "مساء دي إم سي" على فضائية "دي إم سي" اليوم الثلاثاء: "كنت متخيله إننا عاملين عمل ضخم سره الباتع عمل ضخم وليا الشرف إني أكون واحده من الناس العظيمة فيه، وقلت وعود سخية محدش هيشوفه لأن مفيش أفيش ومتعملش دعايا ليه، لكن كل ما أدخل مكان كانوا بيقولولي سخية سخية سخية هتقتل مين".
وتابعت: "يوم 4 رمضان كان عندي تصوير في الوكالة، ويوم 5 رمضان الصبح، كنت بصور في حضانة وأنا بصور لقيت أطفال عندهم 6 أو 7 سنين بيعيدوا الحوار وبيقولوا مين فيهم قلدتني أحسن بقيت مش مصدقة، وقعدت أحمد ربنا ومكنتش مصدقة خالص، فيارب أبقى قد الكلام الحلو اللي قاله الجمهور عليا".
وأردفت، أن شخصية صافية وسخية اللاتي قدمتهن في مسلسلي سره الباتع ووعود سخية، كانا مختلفتين جدًا، قائلة: "كل شخصية فيهم كانت دسمة بلوكيشن مختلف ومخرج مختلف وتركيبة شخصية مختلفة ممتنة لكلام الجمهور ويارب أراء كل الناس تبقى كده".