السعودية غيَّرته من 4 سنين.. نهاد أبو القمصان تتحدث عن قانون "تحت الوصاية"

علقت نهاد أبو القمصان، رئيس المركز المصري لحقوق المرأة، على قضية الوصاية التي يناقشها مسلسل "تحت الوصاية".
وقالت أبو القمصان، في منشور على صفحتها الرسمية عبر "فيسبوك": السعودية غيرت قانون الوصاية عام 2019؛ يعني من 4 سنين، عملت تعديل بأن (رب الأسرة الأب أو الأم).. وناس كتير بتقول (قانون الوصاية لازم يتغير) بعد ما شافت في مسلسل تحت الوصاية المهزلة اللى بتعيشها الستات بسبب قانون الولاية على المال اللي اتعمل من 75 سنة- سنة 1952.
وأضافت رئيس المركز المصري لحقوق المرأة: النهارده والستات بتعمل كل حاجة، لازم القانون يتغير مش بس في حالة وفاة الأب فقط، وإنما فلسفة القانون تتغير وتتعامل مع الأسرة كوحدة واحدة؛ ما يدخلش فيها حد خارجي طول ما أحد الزوجين موجود، لأن لو الأب موجود ومنفصل عن الأم أو مسافر، الأم ما تقدرش تعمل حاجة من غير العم أو الجد مثلًا في حال إن الأب مسافر، لازم يبعت توكيل للأم أو العم علشان يعمل لأولاده باسبور.
وتابعت أبو القمصان: أو يتعامل مع البنوك، علشان كده القانون لازم يتغير بشكل عام ليناسب واقع الحياة دلوقتي، ودا اللي عملته السعودية من 4 سنين؛ لما عملت تعديلات على نظام الأحوال المدنية بالمملكة العربية السعودية 2019، تنص على (رب الأسرة الأب أو الأم) بموجب المرسوم الملكي رقم م/134 وتاريخ 27/11/1440ه الموافق (30 يوليو 2019م) تعديل المادة (91) ليصبح نصها "يعد رب الأسرة في مجال تطبيق هذا النظام هو الأب أو الأم بالنسبة إلى الأولاد القصر".
وتابعت رئيس المركز المصري لحقوق المرأة: مش محتاجين تروحو بعيد، بصوا على جيرانا في السعودية، أرض الرسالة والرسول، أرض الحرم، واعملوا زيها على الأقل محدش يطلع يقول دا شرعي ولا مش شرعي، وراجعو بس قوانين الدول العربية والإسلامية تلاقوا الحل، وتلاقونا متأخرين قوي.