بعد فقدان بصرها.. تامر حسني يدعم البلوجر سارة محمد بهذه الطريقة

حرص الفنان تامر حسني، على دعم البلوجر سارة محمد بعد فقدانها البصر، إثر حادث مروع تعرضت له هي وخطيبها بطريق مصر الإسكندرية الصحراوي، بعدما هاجم مجهولين السيارة لسرقتها.
ونشر تامر، لقاء تليفزيوني يجمع المذيعة ريهام سعيد والبلوجر سارة محمد، عبر حسابه على إنستجرام، وعلق: "معرفش الكل يعرف قصة سارة أو لا، بس سهل أوي للّي ميعرفش يعرف أن بحق الليلة الفضيلة دي يا سارة ليلة النصف من شعبان ربنا يكرمك وميعديش بكرة إلا وانتي سامعة خبر جميل يطمنك إن عينك هترجع تاني إن شاء الله أدعوا معايا يا جماعة، أنا متفائل خير ليها أوي".
وتابع تامر حسني: "وكل الشكر لموقف ريهام سعيد معاها من أول المحنة اللي بعون الله، سارة بقوتها وإيمانها بربنا هتخليها (منحة)، وكل الشكر للفنانين الطيبين ولاد البلد الجدعان اللي اهتموا بيها سعد وشيبة، وأنا قريب إن شاء الله هأجيلها، وكل الشكر للناس الجميلة اللي بيروحولها اسكندرية يهونوا عليها".
وأضاف: "دعوات الكل اليوم ده مهمة أوي يا رب يا رب تفرح قلبها وتشفيها وتهون عليها وتفرحنا بأجمل خبر ليها يا رب يا رب يا رب تشفيها وتشفي كل مريض، اللهم آمين".
وتفاعل عدد من الفنانين مع تدوينته، حيث كتبت راندا البحيري: "تسلم يا تامر والله العظيم انت الجدعنة كلها ومشوفتش زيك في الدنيا". فيما كتب سعد الصغير "يا أبو الجدعنة كلها دايما في الخير يا حبيبي وفنان كبير وإن شاء الله تقدر انت كمان تفرحها".
وتعود قصة البلوجر سارة محمد، عندما تعرضت هي وخطيبها إلى إطلاق نار بطريقة مروعة على الطريق الصحراوي من قِبل مجهولين بهدف سرقة السيارة، وتم نقل المصابين إلى أحد المستشفيات بالإسكندرية، وحاولت سارة فداء خطيبها لتصاب بالطلق الناري بدلا منه، هذا ما جعلها تصاب بإصابات بالغة، وأكد الأطباء المتبنيين لحالة البلوجر سارة أن الإصابات بالغه وأدت إلى تجمع دموي ونزيف بالمخ وفقدان البصر نتيجة تدمر أنسجة العين وكل هذه الإصابات بسبب دخول زجاج السيارة وشظايا إطلاق النار في عينها، وقد خضعت البلوجر سارة لعدة عمليات جراحية في المخ والعين وستستكمل عمليات أخرى في وقت لاحق.
View this post on Instagram
A post shared by Tamer Hosny (@tamerhosny)