حذف مهرجان بنت الجيران من يوتيوب للمرة الثالثة

قررت الشركة المنتجة لأغنية "حاجة مستخبية" للفنان محمد حماقي، للمرة الثالثة حذف مهرجان "بنت الجيران"، للثنائي حسن شاكوش وعمر كمال، من موقع "يوتيوب".
وكشف مطرب المهرجانات عمر كمال عن موقفه تجاه التصريحات التي أدلى بها حسن شاكوش متهما صناع أغنية "حاجة مستخبية" بسرقة لحنها من أغنية تركية.
وقال كمال أثناء استضافتها في "et بالعربي": "حسن ميقصدش، حسن طيب، وأكيد حد قايله معلومة غلط، فهو قال المعلومة بشكل مش صح طبعا، فصناع الأغنية اتضايقوا، صناع الأغنية طبعًا مدين ومحمد عاطف وأحمد إبراهيم ومحمد حماقي، مينفعش نقول عليهم سرقوا الأغنية".
وتابع: "مينفعش نقول على حماقي دي ناس كبيرة، ودول ناس قبل ما احنا نخش المجال كانت مكسرة الدنيا، ليهم كل الاحترام والتقدير، في الكلام في وكل حاجة، مش عايز أكرر واعتذرلهم، هم عارفين أنا كعمر، بكنلهم حب أقد إيه، وإن شاء الله ممكن ترجع بنت الجيران تاني".
وأضاف: "مينفعش الصيغة دي عليهم، وحسن طيب، أنا تواصلت معاهم في الأول من أول بنت الجيران وبعدين عملنالهم فيديو، وبعدين اتحرجت، بنت الجيران فتحت مجال لحاجات كتير جدا، بنت الجيران مش وحشة، اتسمعت في كالعالم، مفيش أغنية مصرية في سنتين جابت 680 مليون، إنت معلم في 7 سنين جابت مليار، فبنت الجيران مش حاجة وحشة يعني".
وكان حسن شاكوش قد قال أثناء استضافته في برنامج "الحكاية" مع الإعلامي عمرو أديب على شاشة قناة "إم بي سي مصر" أن لحن أغنية النجم محمد حماقي "حاجة مستخبية" الذي وضعه الملحن محمد مدين، مسروق من أغنية تركية، قبل أن يقوم هو باقتباس نفس اللحن لمهرجان "بنت الجيران" الذي قدّمه مع عمر كمال.
وهذه ليست المرة الأولى التي يتم فيها حذف مهرجان "بنت الجيران"، وكان أعلن الملحن محمد مدين، حذف موقع "يوتيوب" لمهرجان "بنت الجيران" للفنانين حسن شاكوش وعمر كمال، نظرا لتعديه على حقوق الملكية الخاصة بأغنية "حاجة مستخبية" للنجم محمد حماقي، وذلك يونيو الماضي.