سيطرت حالة من الحزن على أصدقاء وزملاء الشابين "عبد الرحمن مهلل" و"خالد أبوالفضل" الذين لقيا مصرعهما في حادث موتوسيكل بمنطقة سان ستيفانو بكورنيش الإسكندرية. وتحولت صفحات أصدقاء الشابين على فيسبوك، ومعظمهم من هواة قيادة الدراجات البخارية "الريس"- إلى دفتر عزاء وكلمات وداع مؤثرة ودعاء بالرحمة والمغفرة. كتب "بدر السيد":"راح مننا واحد مش هنعرف نتجمع تاني من غيره ..مش هنعرف نتصور تاني من غيره.. ربنا يصبرنا على فراقك ويرحمك يا عبد الرحمن وينور قبرك". وقال "أحمد شريف":" مش مصدق إنك روحت ومش هتبقى موجود تانى ولا هكلمك ولا هشوفك.. دا أنت كنت لسه مكلمني من يومين واتفقنا أننا نخرج في العيد". أما صديقه "أمير علي"، فكتب: "والله أنا مش مصدق لحد دلوقتي إن أنا مش هقدر أشوفك تاني.. بس ده قضاء الله ربنا يرحمك يا حبيبي ويغفر لك ويسامحك". بينما كتب "أحمد عاطف":"كدا تمشي من غير ما أسلم عليك . .ماكنتش جنازة كانت زفة حلوة أوي يا عبد.. كنا بندوس على بعض عشان نشيلك عمرك ما هتغيب عن بالي". أما "محمد عادل" فكتب "يا صاحبي أنت آخر واحد كلمني على السرعة والجرى.. أنت اللي كنت بتنصحني.. أنت اللي قولتلي آخرتها وحشة.. ملهاش لازمة". كان الشابين لقيا مصرعهما في حادث مروع، ثاني أيام عيد الفطر بعدما اصطدم الموتوسيكل رقم " س ف أ 1195" الذين يستقلانه بعامود إنارة وانقلابه بمنطقة سان ستيفانو على كورنيش الإسكندرية. وشارك في جنازتهما عدد كبير من زملاء وأصدقاء الشابين من جروب "البايكرز" يستقلون نحو 70 موتوسيكل "ريس" أحاطت بسيارتي نقل الجثامين من الجانبين على محور المحمودية.