وجّه الرئيس عبدالفتاح السيسي، رئيس الجمهورية عددًا من الرسائل إلى المواطنين والمسؤلين أيضا، على هامش افتتاح محطة معالجة مياه بحر البقر، اليوم الاثنين. وجاءت أهم الرسائل على النحو التالي: 1- "بنسابق الزمن لتطوير واستعادة منشآتنا". 2- "بعض المواطنين تعدوا على منشآت الحكومة". 3- "فرع رشيد كان بيعدي 80 مليون متر مياه دلوقتي بيعدي 30 فقط". 4- "وزارة الداخلية مكلفة بإزالة التعديات خلال 6 أشهر، وممكن تستعين بالجيش". 5- "مش هنتحايل على حد، وكل التعديات هتتشال، وآخد تمام بعد 6 أشهر". 6- "اللي بيحصل في مصر فوق الخيال، عايز تغتصب أرض الدولة وأسكت؟!". 7- "التعديات على الأراضي الزراعية كانت مقبولة زمان، دلوقتي لأ". 8- مخاطبًا وزير الري: "انتوا كنتوا بتعملوا إيه؟". 9- "جسور النيل ترجع زي ما كانت، زي الكتاب ما بيقول". 10- "زي ما إحنا حاطين 700 مليار جنيه عشان نسعد الناس، المواطن كمان عليه دور". 11- "وقف الدعم عن أي متعدي على الأراضي الزراعية". 12- "حديثي لكل مسؤول في مصر لو سمحت متسكتش على الغلط عشان مصلحة البلد دي". 13- "مفيش بيني وبين حد خصومة، أنا بيني وبين الباطل والشر والتعدي والظلم خصومة". 14- "البلاد مبتجيش بالدلع والطبطبة، البلاد بتيجي بالجدية والعمل والانضباط والالتزام ولازم كلنا نبقى مقتنعين بكدة". 15- "أنا ما باعرفش أطنِّش.. كُنت طنِّشت 2011 و2012 و2013، وسِبت البلد دي للمجهول". 16- "بقول لكل مسؤول خُد بالك، ماتسبش غلط قُدامك، أنا ماعنديش خصومة مع أحد". 17- "التعديات على الأراضي الزراعية هدم لقدرة الدولة". 18- "مشروع تبطين الترع يتكلف أكثر من 50 مليار جنيه، والبرنامج بشكل كلي سيتكلف 80 مليار جنيه تقريبًا". 19- "ما يحدث في مصر من مشروعات الآن يتعدى الخيال ومش هاقبل إن حد يتعدى على قدراتنا". 20- "إحنا كدولة بنحاول نسابق الزمن لتطوير واستعادة كفاءة منشآتنا بالكامل". 21- "المياه عزيزة على المصريين ولن تتغير كمياتها التي نحصل عليها إلا بتحسين استخدامنا لها". 22- السيسي للمستثمرين: "مافيش حاجة بتتعمل هنا نُص نُص.. اللي جاهز للمشروعات ييجي يشتغل".
