فيديو| عادل إمام يكشف قصة زواجه :"ما كنش عندي إمكانيات أتجوز"

يحتفل النجم الكبير، الزعيم عادل إمام بعيد ميلاده اليوم 17 مايو الجاري، فهو من مواليد عام 1940.
وفي لقاء نادر يجمع الزعيم عادل إمام بزوجته السيدة هالة الشلقاني، قالت:"جاري كان سمير خفاجة وأصحابي كانوا بيجيولي ومجموعة فنانين بيبقوا موجودين، حضرتك لازم تبص، وخصوصا إن بين الشباك والشباك متر".
وأضافت هالة :"عادل الوحيد اللي ما حولش يبص أو يعاكس، أو يتكلم، ده لفت نظري".
وقالت هالة عن النجوم الذين يضحكوها غير زوجها عادل إمام :"رامي إمام بيضحكني، ووالد عادل محمد إمام".
وروى الزعيم قصة معرفته بزوجته قائلًا:"كنا قاعدين عند سمير خفاجة، فجأة ليقنا شباك أتفتح، خرجت منه شئ كدا ليه حضور ومبهج، الحقيقة إن كل اللي حوليا حاولوا يعاكسوها، أنا الوحيد اللي ما عكستش لأني مش بعرف أعاكس أصلا، يعني مثلا عمري ما مشيت ورا واحدة وقولت يا جميل، يا حلوة، أو أسبل".
وأضافت هالة :"أنا اللي أصريت إننا نتجوز، هو كان شاب وبيخاف يخش تجربة ومسؤولية، هو في يوم من الأيام قالي أنا مش بفكر في الارتباط".
وتابع الزعيم :"أول ما عرفتها قولتها احنا مش هنتجوز، تبقى صداقة، بعدها بسنة أتجوزنا، وبعدها قولت لها مش هنخلف، وبعدها خلفت رامي، وقولتلها طفل واحد كويس علشان نقدر نعيش حياتنا، ثم بعدها جبنا سارة وقولتها خلاص ولد وبنت شئ ظريف جدا، وما نتحملش علشان نقدر نعيشهم كويس، بعدها جبنا محمد".
وأكمل :"احنا ما عملناش فرح، وما كنش عندي إمكانيات إني أتجوز، ألبس كويس، كنت فقير".
ومن أشهر أعمال الزعيم عادل إمام :"مأمون وشركاه، عوالم خفية، السفارة في العمارة، أمير الظلام، الإرهاب والكباب، بخيت وعديلة، طيور الظلام، سلام يا صاحبي، حنفي الأبهة، المولد، النمر والأنثى، غيرها من الأعمال المميزة.