"مساء دي إم سي" يكشف تفاصيل تحول فتاة من فنانة إلى مُشردة.. وشقيقها: "معنديش مكان ليها"

أذاعت الإعلامية إيمان الحصري، فيديو لفتاة تدعى مروة محمد، فنانة ظهرت في أحد الأعمال الدرامية، ثم تحولت لفتاة مشردة تعيش في الشوارع.
وعلقت الإعلامية "إيمان الحصري"، قائلة: «من فترة وصل فيديو، لبنت اسمها مروة، هي اشتغلت في كذا عمل فني، وبعتت لينا صور ليها وهي موجودة في مسلسل الحاج متولي وأكثر من أدوار بسيطة، لكن ظهرت في الفيديو الجديد مشردة في الشارع، في مركز إيتاي البارود بمحافظة البحيرة، وفيه بعض الناس قالوا ليها أنها تعرضت لمشكلة نفسية كبيرة وفي الذاكرة بعد فقدانها للأب والأم".
ومن جانبه، قال ساهر محمد، شقيق مروة، خلال مداخلة هاتفية ببرنامج "مساء دي إم سي"، المُذاع عبر فضائية "دي إم سي"، : "أختي مشردة في الشارع، ومفيش غيري أخوها، وأنا معايا توكتوك، شغال عليه، والخاص بيا اتسرق، وبشتغل عند توكتوك عند واحد"، متابعًا: "أنا قاعد في أوضتين إيجار، ومعنديش مكان ليها عشان تعيش معايا، مفيش مكان ليها، انا بروحلها المكان اللي فيه واروحلها أشوفها لو محتاجه حاجه".
وتابع: "أختي فارش ليها مشمع وقاعدة تحت شجرة، أنا عيالي يخافون منها عشان قاعدة في الشارع وشكلها متبهدل، وأي حد بيشوفها بيخاف منها"، مضيفًا: "أنا متجوز وعندي 3 عيال، ومعنديش مكان أقعدها فيه، أنا مفيش في ايدي حاجة اعملها انا بدور حتة تقعد فيها ومفيش فلوس معايا اقعد فيهم".
وأكمل: "أنا لو جبتها معايا عيالي هيمشوا مش هيقعدوا معاها، وهي بتزعق وممكن تضربهم وبتنفعل، متابعة: "كانت بتمثل منذ 20 سنة، بس هي عصبية وبتزعق ومحدش بيعرف يتعامل معاها، وبقالها أكثر من سنتين قاعدة في الشارع، وليا قرايب بس محدش بيدور على حد دلوقتي".
من جانب أخر أعلن المهندس محمود وحيد، رئيس جمعية معانا لإنقاذ إنسان، عن تبني الجمعية حالة الفنانة مروة محمد، وتقديم لها المساعدة اللازمة.