فيديو|"متستعجلوش على موت الفنانين".. وفاء عامر توجه عدة رسائل للجمهور

حرصت الفنانة وفاء عامر، على توجيه عدة رسائل لجمهورها ومتابعيها عبر حسابها على "إنستجرام".
ونشرت وفاء، فيديو عبر حسابها، فيديو تحدثت خلاله عن الفنانة رجاء الجداوي وعلاقة مصر والكويت، وأزمة قلة الكمامات في الصيدليات .
وقالت: "اضطريت ألبس كمامة قماش، عشان مفيش كمامات في الصيدليات، وبلبسها مرة واحدة وبرميها، وبعقمها بالكحول بره وجوه.. خد اللي يكفيك من الكمامات بلاش تاخد وتركن في البيت وغيرك ميلاقيش".
وتابعت: "مدام رجاء الجداوي إن شاء الله هتقوم بالسلامة، ومتستعجلوش على موت الفنانين.. حرام.. متستعجلوش أوي، كل حاجة بأيد ربنا، وربنا قال (وإذا مرضت فهو يشفين) و(يحيي العظام وهى رميم).. إحنا مش هنقعد نهاتي ".
وأوضحت :" شعب الكويت العظيم لن يتأثر ونحن لن نتأثر بأي محاولات للوقيعة بيننا، ومفيش أي خلاف مع الكويت أصلا.. وهتفضل الكويت صديقة لمصر والشعوب العربية كلها اخوات، ألف تحية لشعب الكويت.. لما نيجي نوجه اللوم نوجه لبنى آدمة.. وكلنا لينا أصدقاء كتير في الكويت.. وعيب لما نعمل بينا وبينهم حزازيات، وميصحش ".
وأضافت :" الدكتور ماهر الجارحي، نائب رئيس مستشفى الحميات، طلع وقال قبل كدا، احترموا نفسكوا واقعدوا في البيت.. كلنا مسكناه وسلخناه.. الراجل ده طلع فعلاً محترم، وأنا من هنا بوجه له التحية.. انت راجل محترم.. مبقاش فيه سراير في المستشفيات الحكومية نتيجة استهتارنا.. حقك على راسنا من فوق، وانت راجل محترم ".
View this post on Instagram
A post shared by Wafaa Amer (@wafaa3amerofficial) on Jun 3, 2020 at 7:14am PDT