طالب الفنان حسام داغر جمهوره بالدعاء لوالدته، بعد تعرضها لأزمة قلبية أمس، ودخولها لإحدى المستشفيات بمدينة السادس من أكتوبر. ونشر داغر صورة لوالدته، عبر حسابه الرسمي بموقع "إنستجرام"، وعلق :"يارب ما حيلتيش غير الدعاء ليكي من امبارح بايت في الشارع قدام المستشفي و بدعي و حاسس ان ربنا سامعني، الدكاتره بيقولوا انهم بيعملوا الي يقدروا عليه خصوصاً بعد توقف عضله القلب الصبح، و رجعتي تاني حتي في عدم وجود الضغط، وقالوا إن زي ما أنا و أخواتي متمسكين بيها هي كمان متمسكة بينا و في الحياة، و طلب مني أدعي لأنها بين الحياة و الموت". تابع داغر:"و حياة أغلى ما عندكم الي يقدر يدعي يدعي الدعاء بيغير القدر زي المره الي فاتت كانت اتحسنت شويه وفاقت من الغيبوبة و بصت و ضحكتلنا و عرفتنا، أستحلفكم بالله الدعاء و دي أخر مره أطلب فيها حاجة من أي حد، يارب يارب شوفو ضحكتها زي الأطفال إزاي يا رب يا رب خليك جمبي". جدير بالذكر أن حسام داغر يُعرض له فيلم "الطيب والشرس واللعوب"، والذي طرُح بدور العرض السينمائي في أكتوبر الماضي، الفيلم بطولة مي كساب وبيومي فؤاد ومحمد سلام وأحمد فتحي وطارق الإبياري وعمرو وهبة وشادي ألفونس، وياسر الطوبجي، قصة وسيناريو وحوار رأفت رضا ومن إخراج رامي رزق الله. وتدور أحداثه في إطار كوميدي حول 3 ممثلين معتزلين يقررون العودة إلى التمثيل من جديد بشكل مفاجئ، ويخططون لتقديم فيلم عن الكائنات الفضائية.