خاص| تقرير "الأعلى للإعلام" عن دراما رمضان: إيحاءات جنسية ب16 مسلسلاً

حصل "مصراوي"، على تقرير لجنة الرصد والتقييم التابعة للمجلس الأعلى لتنظيم الإعلام، برئاسة الدكتورة سوزان القليني، حول دراما رمضان.
والتزمت اللجنة في إعداد التقرير، بالمعايير التي وضعها المجلس والتي جاءت متوافقة مع المعايير الدولية، على أن تعد تقريرها النهائي بالتعاون مع لجنة الدراما بعد نهاية رمضان وسيشمل تقييما شاملا للدراما الرمضانية.
وأورد التقرير مخالفات في 16 مسلسلاً وبرنامج واحد، وجاءت كالتالي:
مسلسل "سك على إخواتك":
حلقة 15 مايو:
"ايه ده كلسون امك "كريم عفيفي" مخاطبا علي ربيع.
حلقة 16 مايو:
"ابو امك" علي ربيع متحدثا بشكل متلعثم كرجل عجوز.
حلقة 20 مايو:
سلوى خطاب لأحد شباب القرية "ياخاين يابن الخاينة بتراقبنى يابن الواطية".
سويلم مخاطبًا الأوفس بوى "مين الحيوان إللى مشغلك".
كريم عفيفي مخاطبًا زوجة غريب "يابنت الجزمة إنتي" فرد عليه غريب قائلآ "ياولد الفرطوس".
سويلم ساخرًا من ثورة 25 يناير و30 يونيو وهو يغازل السكرتيرة جميلة "عملنا ثورتين 25 و30 و35 و45 و60".
سخر سويلم من الأوفس بوي لأنه ألدغ في حرف الراء .
مدير مكتب جيجى داي لسويلم: "مش هستحمل أكتر من كده فرد عليه سويلم ساخرًا: "أمك اسمها ابو الفدا".
سويلم مخاطبًا شريف المحامي عن جميلة السكرتيرة: "جميلة مش هديها الأمان أنا هديها بوسة، لما تبرد مين يدفيها".
سويلم مخاطبًا جميلة السكرتيرة بعد أن شاهدها على الكاميرا تتحدث مع أحد الرجال: "إحنا نأجرها مفروش الشركة دي، نبعت نجيب مزة ولا الدنيا ظابطة معاكوا كده، طب نبعت نجيب خمرة، كان بيعمل إيه الراجل ده على سريري قصدي مكتبي.. الله يخربيت أبوكم".
سكرتيرة هادي الجيار بعد أن أعطى للخادم فوزي إجازة لينفرد بها: "أجازة 3 أيام يامفتري فرد عليها تحبي ارفدهولك".
مسلسل "ربع رومي":
حلقة 16 مايو:
بيومي للمرضة أثناء إجراء عملية جراحة لمولوده الثاني: "دكتور طاهر تانى قولى له ميحفش المرة دى كفاية المرة اللي فاتت واللى حصل".
قال لهالة فاخر زوجته: "فكريني نركب للواد التاني دعامة".
حلقة 20 مايو:
مصطفى خاطر لخطيبته ميرنا جميل (ليلى مراد): "اعملي حسابك بعد الجواز ما فيش الشيفون ده "تقلعيه علطول" احنا كده يا أبيض يا أسود".
الأب (سامي مغاوري): "ادخلي جوه يا ليلى.. خاطر: سيبها تطري القاعدة".
مصطفى خاطر لوالد ليلى (سامي مغاوري): "بالبلدي كده إحنا جايين نحجزها هندفع deposite والأب يرد: حتى لو دفعت deposite لو جالي بعد ساعة واحد هيدفع أكتر حشيلهاله.. وخاطر يرد: ما أنا موجود أنا هدفع deposite والأب: ما أنا هردلك الdeposite بتاعك أنا ما بدخلش على بيتي deposite حرام".
حلقة 22 مايو:
يسخر من الدكتور بكار: "ده عينيه كلها أحلام ده شكل أحلام وبكار يعكس عيناه" (سخرية من الفنانة أحلام)
محمد سلام لخاطر: "نور الخروف ده مش أبوك - خاطر:عرفت منين؟"
سلام: "ليه ابوك اكبر من لية الخروف ده بكتير - خاطر انت كنت مركز مع لية أبوك ده أنت رخيص يلا".
مسلسل "أيوب"
حلقة 17 مايو:
آيتن عامر تقول لوالدتها "النسوان ابتدت تتمصمص علينا".
حلقة 19 مايو:
حوار خادش للحياء العام بين منصور وزوجته في غرفة النوم: "قومي يا بت مشبعتش منك يا بت فترد عليه: شكلك ما بتشبعش خالص فيرد الزوج اعملي حسابك جوزك ما يشبعش".
حلقة يوم 20 مايو:
مشهد بين المحامي منصور (دياب) والمعلم حسن الوحش (محمد لطفي) يقول منصور: "معرفش أنا البت دي عجباك أوي ليه.. النسوان كتير اشمعنى دي.. المعلم حسن الوحش: "البحر بيحب الزياده ومن حق الكبير يدلع الصغير يتراضى" متابعًا حواره: بت ولاده".
المعلم حسن يعطي المحامي منصور شريط حبوب "مخدرات" للمرة الثانية بالمسلسل، قائلا له: "أنا هظبطك عشان تمخمخ خده ده عشان يفوقك ويروقك من البلاوي اللي أنت فيها خد دي "معطيه شريط مخدرات" مستكملاً: "فكر كده ومخمخ أنت وأنا حظرفك الفكة. "أالفاظ متدنية"
المحامي منصور: "إلا أنت بقيت نحنوح أوي كده من إمتى.. المعلم حسن متابعًا حواره: "أما حتة ودكة الله يخربيت أم ده ماتش".
مشهد بين "سماح" آيتن عامر وزوجها المحامي منصور بالمركب النيلي، سماح: "نيل لما ينيلك يابعيد، ده إيه النتانه اللي أنت فيها دي" والزوج منصور يرد: "اقفلى البكابورت اللي اتفتح ده علينا فضحتينا الله يفضح أمك"، تدني الحوار بين الزوج وزوجته".
مشهد آخر بين سماح ومنصور داخل البيت انفعال سماح على منصور ومنصور يساومها بالمال قائلا: "طب اللي يديكي 20 ألف تعمليله إيه؟" وسماح ترد: "أعمل اللي هوه عاوزه بس يقشر"، مشهد متكرر لغرفة النوم بين سماح ومنصور.
مسلسل 30 ليلة وليلة:
"تصدقي إن الحيوان جوزي رجع بدري من الشغل، قولت هيدلعني.. لقيته ساب نور الأوضة مفتوح ونام، قولتله سايب النور مفتوح ليه.. قالى لما بشوفك بالليل بتخض"، ألفاظ سوقية وإهانة للرجل.
مسلسل: خفة يد:
حلقة 17 مايو:
محمد سلام لوالد شريكه: "هبة الست دى شايلة حلة ليه؟ الفنان ده تمثال المرأة التي تغرف.. تغرف مين؟"
حلقة يوم 18 مايو:
مشهد رانيا تعرض على موظف الآثار الذهاب معه إلى غرفته بالفندق لتشاهد صور التمثال الفرعوني.. فيقول لها: "كده هتبقى خيانة للمدام.. وأنا نفسي أخونها من زمان".
حلقة 19 مايو:
سعاد "فتاة ليل" تقول لكريم: "إيه يا كريم إنت عامل حفلة عليا مع صحابك هو السوق كان متعطش للدرجة دي".
مسلسل: أبو عمر المصري:
حلقة 19مايو:
احتوت الحلقة على مشهد قتل أمام طفل بقتل أحمد عز لشيخ التنظيم أمام ابنه.
مسلسل واكلينها والعة:
حلقة 17 مايو:
شريف: "أنا هكلم حسام بتاعه"، في حديثه عن الروبوت الصديق: "حسام بتاعه إزاي يعني.. شريف: أقصد اللي جايبه يعني".
حلقة 20 مايو:
مصطفي في حديثه مع (بوسي) بعد أن رقصت له: "الرجالة مبقتش تهتم بالشمعدان.. بقت مركزة على حاجات تانية" ونظر إلى منطقة الصدر.
مصطفى لبوسي: "خلينا فيكي يا مزة السنين.. ما تقومي تهزي هزتين ونستفيد بالوقت قبل أم مروان ما تيجي".
عادل يخرج من الغرفة فيجد صورة لأمه ببدلة الرقص فيقول: "الله يحرقك يا شيخة أكتر ما أنت محروقة".
عم جادليو متحدثا عن أم عادل: "مامتك عمرها ما حاشت حاج عن حد.. عادل: ما هي دي المصيبة يا ريتها كانت حاشت.. انطق بقى كانت ماشيه مع مين؟ عم جادليو: أمك كانت ماشية مع الملك".
عادل لأمه: "أنا عرفت أبويا مين.. أمه: مستحيل إذا كنت أنا نفسي مش عارفة.. عادل: حرام عليكي أنا عايز أعرف أبويا مين.. أمه: طب روح افتح الباب.. فيقول: الله يحرقك يا شيخة أكتر ما أنت محروقه.. وعم جادليو متحدثا عن أم عادل: مامتك عمرها ما حاشت حاجة عن حد".
مسلسل :عزمى وأشجان:
في حلقة يوم 17 مايو: "هو أنا مينفعش أقعد أحمد ربنا على النعم اللي أنا فيها زوج صالح وطفل ابن جزمة عمال يوقع الأكل على الأرض".
"قبل ما أقابل نجوى كنت مقضيها تلزيق في الاتوبيسات اتحرشت بنص بنات البلد لحد ما شوفتها والمارش دار والشوكمان اتنطر - ويقول له أحد المارة يعنى هو اللى خلقها مخلقش غيرها ده النسوان على قفا من يشيل فرد الرداد: "نجوى بنت محترمة يكفى إنها ما مشيتش غير مع 12 واحد بس".
"لمي نفسك يا بت بدل ما أوريكي العين الحمرا". ردت عليه: "طب حمرا".
قول عزمي: "يا دوب الهنش متغير
مسلسل لعنة كارما:
في حلقة يوم 17 مايو، مشهد يظهر شرين: "حق ربنا 5% عشان يرضى علينا ويبارك لنا كده".. فرد محمد سليمان: "ظاظا بتاعت ربنا".
محمد سليمان قال لإحدى الممثلات إن "الطبيب النفسي نصحه أن يرسم إحدى الجميلات فقالت له هنا؟ قال: هنا ماينفعش.. لازم ارسمك جوه.. عشان ارسمك بضمير".
وبحلقة يوم 19 مايو، شيرين: "عن صاحب معرض سيارات هو اللى اسود وقلبه اسود وضميره اسود وهو كمان صرمة وجزمة ويستاهل".
وكذلك مشاهد ضابط شرطة يضرب مواطن على وجهه (ترسيخ صورة سيئة عن ضباط الشرطة).
وبحلقة يوم 20 مايو، مشهد يصور والد هيفاء داخل السجن ويجتمع عليه مجموعة من المساجين ويضربونه ضربا مبرحا على مرأى من مسئولين السجن. (لعدم اعطاءه معلومات عن ابنته للضابط السابق الذي حضر لاستجوابه داخل السجن) وهو مشهد مسيئ لجهاز الشرطة.
- مسلسل "ليالي اوجيني":
جاء في حلقة يوم 17 مايو، مشهد: "إنتى ما ينفعش تعوزى انت تتعازى بس، انتي مينفعش تكوني غير ليا يا زباله علشان كفاية إني رضيت بيكي".
مسلسل "قانون عمر":
جاء في حلقة يوم 17 مايو، أحد المساجين يقول لحماده هلال وهويرتدى بشكير ابيض ماسحا على رجله "عايز اتمسح فيك" ويحاول نزع البشكير ويقول له اقلع بقا البشكير ده".
مسلسل "فوق السحاب":
بحلقة يوم 18 مايو، مشهد "سائق التاكسي والست نعناعه تخلله سباب من السائق للست نعناعه، ادينى فلوس من ساعة ما ركبتى بضهرك وانا قلت إن التوصيلة نحس بنت كلب".
ومشهد آخر "يدخل فيه السائق المسجد وهو سكران. ومشهد يشترى فيه الأب الحشيش ويعلن عن سعر صباع الحشيش ب150 جنيه".
وبحلقة يوم 20 مايو، مشهد لأمير شاهين ومعه مجموعة من أصدقائه يعتدون بالضرب على عزت بالشوم لمدة دقيقة كاملة" وهو ما اعتبره التقرير (عنف غير مبرر).
مسلسل نسر الصعيد:
حلقة يوم 19 مايو، محمد رمضان يرد على الشاب الذي يسخر منه يقول له: "يا راجل"، فيرد عليه: "يا مرة". (ألفاظ نابية واسلوب ركيك فى الحوار وإيحاءات جنسية ومشاهد خادشة للحياء".
وبحلقة يوم 21 مايو، محمد رمضان في دور الأب يداعب زوجته وفاء عامر قائلاً: (قومى إطفي النور.. الليلة دى ليلة قمرية ومبروكة وشكل العيال هيزيدوا واحد)، وفاء عامر: (جرى إيه يا راجل.. هو أنت بتكبر ولا بتصغر).
ليرد محمد رمضان: (شوف بنت الكلب اللى بتحسدني).. ثم يقوم بحمل وفاء عامر قائلاً: (أنا أبوى كان دايماً يقولى جدر الشجرة الأصيلة ما يموتش أبداً، ولا ينحنى). وفي مشهد آخر يرد محمد رمضان على الشاب الذى يسخر منه بقوله البدلة دى واسعة عليك.. فيرد: (لأ دى معمولة علشاني.. الواسعة دى حاجة تانية).
وبحلقة يوم 21 مايو، مشهد إهانة لإحدى فئات المجتمع: "مها أبو عوف عن السيدة الصعيدية والعريس الصعيدي: (دول مش زينا ولا بيلبسوا زينا ولا هيبقي فى بينا وبينهم لغة حوار .. انت مش شايفة هما داخلين بإيه؟؟ دا ناقص يجروا خروفين وراهم..، ياريتهم يسمعوا ولا يتفلقوا، أنا مش عارفة أنت جايبة الهباب دا منين.. قرف، قنا إيه دى اللى بنتى تعيش فيها).
وبحلقة يوم 22 مايو، شاب البار لباسل الزارو: (جرى إيه أنت عايز تكوش على اللى هنا كلهم.. أنت مش معاك واحدة ؟؟، أختك ؟؟ طيب خد أنت صحبتك روح بيها وسيبلي أختك أروح بيها).
وعرض مشهد لمحمد رمضان وهو يذهب للبار لمساعدة أخو زوجته على الانتقام من الشباب الذين تشاجروا معه، ويعرفهم على نفسه على أنه ضابط مباحث وممكن يغلق المكان.
مسلسل "بالحجم العائلي":
رصد التقرير، في حلقة يوم 20 مايو، مشهد ليحيي الفخرانى وهو يتحدث عن ندا موسى: (هي sexey أوي.. بس مؤدبة) بجانب ألفاظ مبتذلة أخرى. وبحلقة يوم 21 مايو، قالت يسرا اللوزي: "أنا شايفة بنت الكلب دى وهى داخلة له الأوضة وبتدلع عليه".
مسلسل كلبش 2:
جاء في حلقة 22 مايو، حديث بين أمير كرارة ومسجون متهم بالتجسس وتم تقديم شكوى ضد كرارة فبدأ يهدده وقال له: "إنت يا حيلة أمك عامل تاتو ياض وعامل فراشة على ضهرك"، فرد المسجون: "في آخر ضهري".
فقال كرارة: "إنت عارف آخر مرة شاف المساجين تاتو؟"، فرد المسجون: "أيوه على مايا دياب"، فقال كرارة: "تخيل بقى الحبسجية اللي برا دول لو شافوك وتخيلوك مايا دياب هيعملوا فيك إيه".
مسلسل ضد مجهول:
في حلقة يوم 21 مايو، جاء مشهد لندى (غادة عبد الرازق) وهى تُغسل ابنتها المقتوله.
مسلسل: "ممنوع الاقتراب أو التصوير":
في حلقة يوم 22 مايو، رصد التقرير مشهد شخص يسير فى الطريق يتحرش ب"نسرين" فتقول له: "يا ابن الكلب". بجانب مشاهد تدخين كثيرة.
برنامج "شفط دهون":
في حلقة يوم 18 مايو، تحول المقلب إلى مشاجرة وخلال المشاجرة قالت الخطيبة: (إنت بجح.. عايز تفرجنى على وساختك .. يا زبالة... إنت حيوان).
شاهد مسلسلات رمضان "قبل أي حد"
جهز إفطارك من طبخة ع السريع: أسرع طريقة لتجهيز الأكل