ريهام سعيد تسب إعلاميا على الهواء.. وتؤكد: ''أنا محترمة ومتربية وناجحة بجد''

شنت الإعلامية ريهام سعيد هجوماً لاذعاً على أحد الاعلاميين بإحدى القنوات الفضائية، وقالت إنه ''أرسل رجلين لوالد الطفل التائه، ليعطوه مبلغ مالي مقابل ان يظهر في برنامجه، ويقول أن الطفل كان مستأجر'' على حد قولها.
وقالت ريهام من خلال برنامجها ''صبايا الخير'' على فضائية ''النهار'' أمس الثلاثاء، إن ''المنتج أحمد مهران قال لي هقول لك حاجة بس ما تزعليش، قال لي إن في زميل إعلامي بعت ناس لوالد الطفل التائه، وعرض عليهم 10 آلاف جنيه، عشان يطلعوا معاه ويقولوا ان ريهام سعيد كدابة وإن الولد كان متأجر، ولما رفضوا عرض عليهم 20 ألف جنيه''.
وتابعت: ''أنا استغربت البني آدم ده، وأنا لولا أني بحترم مالك القناة اللي أنت بتشتغل فيها، أنا كنت طلعتلك أدلة كانت هتصعقك، بس أنا أحسن منك، وأنت بقالك 6 أو 7 شهور بتحاول توقف شغلي، بس أنت صغير، وأنا أحسن منك، عشان أنا محترمة ومتربية، وناجحة بجد، وده بقى الحرب بين الإعلاميين، وأنت أصلا أنسان مش محترم وعامل متدين، واللي مسكتني عليك هو صاحب القناة اللي انت فيها لأنه راجل محترم''.