بسبب علاقتها بممثل شاب.. خناقة على فيسبوك بين ياسمين عبدالعزيز وشقيقها

نشبت خناقة على مواقع التواصل الاجتماعي وتراشق بين وائل عبدالعزيز، شقيق الفنانة ياسمين عبدالعزيز، والفنان الشاب أحمد العوضي، بعدما نشر «وائل» رسالة عتاب شديدة اللهجة لشقيقته بسبب ما يتردد عن ارتباطهما بأحمد العوضي على مواقع التواصل الاجتماعي.
وكتب وائل عبدالعزيز في حسابه على «فيسبوك»، معاتبًا شقيقته ياسمين: «بصي يا ياسمين يا عبد العزيز يا اختي : انا معاكي وفي ضهرك من وانتي صغيره شيلت مشاكل كتيًر بسببك من وانتي عيله صغيره بدايه من مشاكلك مع الشاعر وبراده وانتي عارفه ان انا اتاذيت فيها ازاي وقضيته الشغالات مؤخرا غير قضيه الضرب الي كانت بينك وبين بنت هشام سليم الممثله الي لبستيها التورته في وشها .
وأضاف: وقفت جمبك بكل ما املك من قوه أدافع عنك في كل موقف صعب مر عليكي ونسيت حياتي ونفسي عشانك وبقي كل همي انا "ووالدتك " انك تكبري وتبقي نجمه في مجالك .. سيبنالك اختياراتك كلها لنفسك ووفقنالك علي معظم قراراتك وكنت الوحيد الي ساندتك ووقفت جنبك في طلاقك .
وتابع: لكن هنهرتل وتروحي تعرفي واحد اصغر منك ب 10 سنين لا من سنك وتتصوري صور مالهاش اَي لازمه علي حساب سمعتك وسمعتنا لا ومحدش هيسمح .. من امتي واحنا بنعمل أعياد ميلاد وتنزل علي السوشيال ميديا .. من امتي الناس بتجيب في سيرتنا !؟ ونقعد نتعاكس علي السوشيال ميديا
وقال شقيق ياسمين: ومع ذلك حياتك وانتي حره فيها .. انا هتكلم علي الشق الي يخصني .. انتي مقاطعه كل العيله عشان تعملي الي علي مزاجك .. احنا دالواقتي وعايزين نفهم العلاقه دي ايه و رايحه علي فين.
ووجه وائل حديثه للشاب الذي ظهر مع ياسمين قائلاً: اما بالنسبه للأخ الي ماشي وراكي في كل حته وشايفك البيضه الدهب الي هتفقسله كل يوم احب أقولك يا راجل لما تيجي تدخل بيت تدخله من بابه يا راجل !! وتقعد مع رجاله البيت !!..دي الأصول وده الاحترام .. وطبعا لانك عارف انك مرفوض رافضا باتا فا عمرك ما هتعمل ده ومعندكش غير طريق الشمال الي انت سالكه من سنين مع بنات الناس !!.. انا من راي كفايه عليك البطوله الي أخدتها والعربيه المرسيدس الهديه .. وتركز في شغلك وتسيبنا في حالنا لان طول عمرنا في حالنا ومحدش سامع عننا حاجه وملوش لازمه جو الصور والمعاكسات ده وانا مبخفش من تهديد حد !!
يذكر أن ياسمين عبدالعزيز نشرت في عيد ميلادها الماضي صور عيد ميلادها وكان بصحبتها الممثل الشاب أحمد العوضي وبدأت تتردد شائعات عن ارتباطهما منذ ذلك الحين، إلا أنه لم يصدر تأكيد من أي منهما بشأن الارتباط.