يلو دراجونز للداخلية: خليكوا في اللي انتو فيه أولى!

أصدرت رابطة مشجعي نادي الإسماعيلي المعروفة ب"أولتراس يلو دراجونز" بياناً توضيحياً عن ما حدث أمس عقب اجتماعهم، حيث تم القبض على 8 عناصر من المشجعين بعد مناوشات مع قوات الأمن.
مساحه اعلانيه
وأضافت مجموعة "يلو دراجونز" عبر البيان التي نشرته على موقع التواصل الإجتماعي"فيس بوك" أن كل ما حدث هو تطور لفعل فردي من ظابط برتبة ملازم أول حيث قام بطرد المجموعة من شارع السلطان حسين وقام بإطلاق النار في الهواء لتفريقهم، وبعدها بقليل تجمعت المجموعة وقامو بالهتاف والغناء عند الممر وتفاجأت المجموعة بمجيئ مدرعتين من نفق شارع شبين وقاموا بإطلاق قنابل الغاز على أعضاء المجموعة، وألقوا القب على 8 من أعضاء المجموعة.
وتضمن البيان توضيح حول ما حدث ما يلى المنهج اللي بتتبعه الداخلية في البلد حالياً بصفة عامة ، و مع جروبات الألتراس بصفة خاصة هيكسبها كل يوم مشكلة جديدة !
الموضوع أبسط بكتير من اللي اتعمل عليه ده كله ، و مش معنى ان الجروب حط مصلحة أعضاء الجروب و النادي قدامه في القرار اللي فات أنه يحصل تمادي بالمنظر ده .
لأن بمنتهى الوضوح ، احنا اسوأ و آخر خصم الداخلية محتاجة تحط نفسها في مواجهة معاه في الفترة الحالية ..
بالبلدي كده ، خليكم في اللي انتوا فيه أولى !
وقفة بكره في معادها قدام النادي .. لهدفها المحدد من قبل
"طرد الداخلية من المدرجات الرياضية"