ستيفن حبيب: من أوراق شخص مجنون..

التغيير واقع يجب أن نتقبله حتى وإن كان مؤلماً وتكلفته عالية، ولكن لا توجد أي خطوة في الحياة بلا مميزات وعيوب، واعلم دائماً أن المميزات تكون أكثر - في أغلب الأوقات- حتى وإن رأيت العكس، لكن هل لديك الجرأة الكافية للتغيير؟ هل تقدر على التضحية الغالية في سبيل الأفضل؟ هذا هو الفارق بين شخص ناجح وغيره.
* * *
عندما تعتمد على نفسك في كثير من الأشياء .. تصبح الأمور أفضل وأحياناً كثيرة أسهل .. وترضى نوعاً ما عن النتيجة النهائية .. ولكن عندما تعطي المسئوليات وتقسم العمل على أكثر من شخص .. تجد أن الأمور معقدة أحياناً وصعبة في كثير من الأحيان، ولكن النتيجة النهائية تصبح رائعة ويصفق لك الجميع .. ولك حرية لاختيار بين سهولة العمل ومجرد الرضاء عن النتائج .. وصعوبات العمل والنتائج الرائعة.
* * *
قد تقتل إنساناً دون قصد .. عندما تسرق أفكاره.
* * *
وبعد ما اتغلبت على خوفي ورحت أقولها بحبك ..قولتلها بهزر متاخديش في بالك.
* * *
فيه ناس عندها غباء طبيعي، وفيه ناس عندهم غباء مكتسب، وفيه ناس عندها غباء مقصود، وفيه ناس الغباء عندها بحالات، وفيه ناس عندها كذا حالة غباء متنوعة في نفس الوقت!
* * *
حاول تلمس ودنك بلسانك وإنت متنرفز ... مش هتعرف، بسبب حاجة واحدة بس، علشان مش بتسمع نفسك وإنت بتتكلم، وبتسيب الكلام يطلع من بقك من غير حساب!
* * *
لو عايز تعرف صفة معينة موجودة عند مين من الناس، هقول لك نصيحة حلوة، الطمع مثلا، اطلع قول إنك طماع وعيش حياتك يومين بطمع، وشوف بقي مين هيجي يشاركك في كل حاجة بتعملها، شيل الطمع في الجملة اللي فاتت، وحط مكانها أي صفة تانية، وجرب وقولي.
* * *
أيام الفراعنة كانت الرياضة عندهم، يشيلوا حجرين ويبنوا هرم ... أيام الممالك الصينية، طلبت معاهم ضرب، فبقى فيه ساموراي ونينجا، وأيام الرومان كانت عندهم المصارعة والقتال مع الوحوش ،كل الرياضات دي كانت شعبية، وبيتبني لها حاجات كتير قوي: "الهرم الأكبر"، "معبد شاولن"، "الكلومسيوم"، وكلهم بقوا أنتيكا وحاجات قديمة، بس بيفكروني باللعبة الشعبيه للزمن اللي إحنا فيه، وإن شاء الله في المستقبل هيبقي فيه رحلات سياحية للأنتيكا بتاعة اللعبة دي"سانتياجو برنابيو"، "أولد ترافورد"، "إستاد القاهرة الدولي".
* * *
عارفين الفرق بين العبقري والمجنون إيه؟
إن العبقري مجنون برضه، ولو حد قال عليه مجنون يبقى مبسوط لأن في اعتباره الباقي مش فاهمين حاجة دلوقتي، وشايف إنهم هيفهموا بعدين لما يخلص، أما المجنون فهو عبقري برضاه، ولو حد قال عليه عبقري، يبقى مبسوط برده؛ لأن في اعتباره، الباقي عارفين عبقريته وذكاءه، ورغم كده شايف إنهم مش هيفهموا بعدين لما يخلص! والاتنين دول -العبقري والمجنون- معتمدين كل الاعتماد على إن الباقي مش بيفهم حاجة!
* * *
نصيحة قالها لي واحد صاحبي... إوعى تنسى حد نصحك نصيحة ونفعتك في حياتك ودايما افتكره بالخير (على فكرة أنا نسيت صاحبي اللي قالي النصيحة دي كان مين بالظبط! بس أديني افتكرته بالخير أهو(.