لاول مرة .. نانسي عجرم بالتركي

بعد ماوصل لنانسي عجرم تعليقات كتير ورسايل اكتر من معجبينها في تركيا قررت انها تعمل حاجة عشان جمهورها هناك وده اللي اكدت عليه علي صفحتها علي الفيسبوك لما قالت " لكل الFans من تركيا بعد ما شوفت كل الطلبات اللي انت بعتوها انا يكون ليا الشرف اني اعلن اني حاغني في تركيا في حفلة لاول مرة وحتكون الحفلة في انطاكيا يوم 15 اكتوبر في برايم مول " .
ومن ناحية تانية ظهرت النجمة اللبنانية نانسي عجرم كوجة اعلاني للعربية النيسان الجديدة اسمها "ميكرا" وشركة نيسان عملت مؤتمر صحفي حضره عدد كبير من الصحفيين والاعلاميين. نانسي قدمت مجموعة من الاغاني للحضور زي "لسه جاية"، والصحفيين صوروها جنب العربية النيسان اللي بتعلن عنها "نانسي" .ورفضت انها تعلن الاعلان عن المبلغ اللي أخدته مقابل الظهور كوجه اعلاني للعربية.من جهة أخرى، نفت نانسي خبر انها بتسجل اليومين دول أغنية باللهجة الصعيدية، لأنها بتحضر اليومين دول لإصدار ألبوم جديد للأطفال ومرضيتش تقول أي معلومات عنه.
قدمت نانسي في رمضان اللي فات تتر مسلسل " سماره" اللي قامت ببطولته غادة عبد الرازق و لوسي و الفنان أحمد وفيق, و استغلت نانسي شهر رمضان عشان تقضي أطول فترة ممكنه مع بنتها " ميلا وايللا" وجوزها فادي .يذكر ان ناسي عجرم ولعت الدنيا في العيد عشان قدمت حفلات ما بين دبي ولبنان وكمان سجلت اغنية "إتأخرت شوية" اللي حتصورها مع المخرج الاجنبي داماس ونانسي عندها حفلات الفترة اللي جاية ما بين أبوظبي وتركيا.
المصدر : ofann