سهيله محمد تكتب لكلمتنا :اللهم شماتة

انا جاى اتشفى
خبرك فى كل مكان
والكل فيك شمتان
شعبك عليك موجوع
وبالطبل والزمامير
صار الالم زفه
انا اصلى ام شهيد
كان ليها ابن وحيد
قتلتة برصاصك
قلبها المفجوع
دعوة فى جوف الليل
حلت على راسك
وانا اسمى يا مخلوع
والله منا فاكره
فى السجن ناس اخيار
على جثتى اتشاكلوا
الجو عال العال
ويعينى على السجان
حاسس معاه بأمان
مفيش لا نار وكلاب
والغدا كيلو كباب
ولا فى عذاب ودمار
انا كنت من المساجين
الوقتى من الاحرار
شوف انت الدور على مين
يا حضره المخلوع
احلامى لية بتضيع
واملى طفل رضيع
قضيت ليالى عجاف
سايب عيالى هناك
قلبى دارى وخاف
رجعت و بملاليم
اهو بركة انى سليم
مراتى دى الى بتشحت ؟!!!
وابنى مات من الجوع
يا فخامة المخلوع ..يا فخامة المخلوع
انا الى جوه منى طعم الحياه اندفن
ايام بقضيها
وخايف اموت حتى ملقيش حق الكفن
احنا الغلابة ..القحطانين
الفقرا .....الصابرين
على الكرامة الى طارت
على مصر خصبة ..بارت
على البلاوى
دمع صامت من سنين
بس لأ
قومة واحده
قلب واحد
صرخت اراده شعب
وقولنا لأ
يبقى الكلام داه مش هزار
والشماته لينا ......حق