بالفيديو ..محمود الجندي: قبلت فيلم البيبي دول عشان كنت محتاج الفلوس

محمود الجندي كان امبارح ضيف برنامج "كش ملك" اللي بتقدمه الاعلامية هبة الاباصيري علي قناة الحياة واتكلم فيه محمود الجندي عن حاجات كتير في حياته وخصوصا انه ده تقريبا اول برنامج يظهر فيه الجندي من فترة طويلة وقال "انه كان حريص على انه يظهر بالجلابية البيضا في كل المناسبات بعد ماماتت مراته الاولى سنة 2001 لانه كان حاسس براحة نفسيه كبيرة وهو لابسها وكان فيه قنوات كتير برفضوا يعملوا معاه لقاءات بالجلابية او يدخل اي نوادي اجتماعية وده اللي بعده لفترة طويلة عن الاعلام ".
وكمان اتكلم في السياسة وقال ان مبارك من وجهه نظره هو الرئيس المخلوع مش اكتر وقال كمان ان معتز الدمرداش كان لازم يرد على الكلام اللي قاله المحامى فريد الديب لما قال ان مبارك اول حد شجع على ثورة 25 يناير " واتكلم ف الدين كمان وقال " الشيخ الحبيب على الجفرى هو أقرب داعية إلى قلبى " ولما سألته هبة عن الفنانات المحجبات اللي في الفترة الاخيرة خلعوا الحجاب ورجعوا للتمثيل مرة تانية ؟ " وقال ان المسألة دي خاصة بيهم ".
واتكلم كمان عن فيلم ليلة البيبي دول واللي محققش نجاح كبير علي الرغم من انه مليان بالنجوم والفيلم كان ناقصة حاجات كتير ولكني وافقت عليه هشان الفلوس لانها كانت كويسة ".
واتكلم الجندي عن حاجات كتير في حياته والفن والدين والسياسة فتعالوا نشوف قال ايه في الحلقة