بتحب شغل الانترنت (1)- رشا خليفة

فاكرين احنا عملنا ايه الأيام الي فاتت؟
انا هفكركم ... بس متتعودوش علي كده انا عايزه شباب مصحصح معايا علشان نلاقي شغل
احنا في اليوم الاول ... اعدينا الخطه رتبنا أمورنا
اليوم الثاني .. ظبطنا الCV وحددنا احنا عايزين نشتغل ايه؟
هنعمل ايه النهارده ..
النهارده يوم الانترنت ... زي ما عملت CV مكتوبة ومطبوعة ... هعمل CV تاني بس علي الشبكات الأجتماعية المره دي ..
الفتره الي فاتت بان أهمية الأنترنت جدا ...الحقيقه هو من البدايه مهم بس يمكن الناس مكنتش حاسه باهميته اوي لحد ما قامت ثورة يناير ...والعارف لا يعرف ... مش كده؟
نخش في الموضوع ...
دلوقت عندنا شبكات اجتماعية كتير اوي علي الانترنت منها
Facebook , Twitter, Linkedin, Myspace, Google, yahoo ... الخ.
كلنا بنستخدم الشبكات دي نتعرف علي صحاب جداد .. نعبر عن راينا بحرية... نحط صور وفيديو وكل الحجات اللطيفة دي..
النهارده هنستخدم الشبكات دي علشان تجد لينا فرص عمل ...
الكلام دا بجد علي فكره مش هزار ...
علشان نعمل دا فيه شوية خطوات هنعملها هقولوكم عليهم بالتفصيل :
1- الي معندوش حساب في الشبكات الاجتماعية ... يفتح حساب ،ودا موضع مفيش اسهل من كده.
2- الي عنده اشتراكات باسم امير الظلام المفتري .. و تفيده كفته ... حالا غير الأسم واكتب اسمك الحقي و خبراتك مهاراتك كانك بتكتب CV بالظبط.
3- البريد الألكتروني ... هنعمل حساب بريد الكتروني برضه باسمنا من ميمي وتوتو وظاظا 400 ... اسمي الحقيقي.
4- نخلي البروفايل بتاعي شيك ولطيف ومفيهوش هزار خارج ولا صور من اياهم ولا قيديوهات من الي انتو عارفينها مش عايزين نفسر باه علشان الرقابه .
5- نتابع البروفايل بتاعنا بشكل دوري .
6- شبكة Linkedin مهمه جدااااااااا.
خلاص عملت كل دا ... نبتدي نشتغل علي البروفايل بتاعنا .
دي شويه نصايح نعمل ايه ... دي مش كل حاجه احنا بس بنفتح افكار مع بعض و ممكن الي يقرا الموضوع يطلع بافاكر اكثر واكبر ويمكن اكثر فايده ...
خلوني اكلمكم علي ال FCABOOK الاول بصفته اشهر المواقع واهمها ..
1- ابحث عن الGroups الي بتتكلم عن فرص العمل دول كتير اوي واشترك معاهم ومن خلالهم هعرف فرص العمل المتاحة في السوق هي ايه؟؟؟؟
2- اعمل علاقات عامه مع الاصدقاء الي موجودين عندي و من خلالهمم برضه ممكن اعرف فرص العمل المتاحة في الشركات الي هم بيشتغلوا فيها و اقدم.
3- من فرته للتانيه اكتب علي الصفحة بتاعتي اني ابحث عن عمل في مجال... واكتب المجالي الي بدرو فيه ... ساعتها اصحابك ممكن يساعدوك.
4- كمان ممكن اكتب علي الصفحة واطلب من اصدقائي انهم يدلوني علي الشركات الخاصة بالتوظيف او مواقع التوظيف ... الخ.
وعلشان الFCABOOK هو اشهر المقالات واكثرها انتشار اصبح ليه اهمية كبيره جدا في كل المجالات ...
كفايه كده عليكم النهارده ونكمل بكره