بالفيديو: إهانة أحمد عز بسبب فيلمه الجديد عن حرب أكتوبر

بعد الإعلان عن موافقة النجم أحمد عز على القيام ببطولة فيلم "53 دقيقة" الذي يتناول واحدة من بطولات حرب أكتوبر، بدأت حالة من الانتقادات لاختيار عز لفيلم ذي طابع حربي.
فقد رفض الإعلامي سيد علي اختيار أحمد عز لتجسيد شخصية طيار مصري شارك في معركة المنصورة الجوية خلال حرب أكتوبر 73، مهاجماً المسئولين عن الإدارة الفنية للقوات المسلحة، حيث قال: "هيتعمل فيلم اسمه فيلم "53 دقيقة" بيمثل ويجسد بطولات معركة المنصورة، ومن بين كل ممثلين مصر، الجهة المحترمة اللي أنا مش عايز أقول اسمها لأنهم بيزعلوا، اختاروا أحمد عز، الممثل اللي ما زال متهماً في قضية نسب أطفاله".
وأكمل سيد علي: "عمل محترم يجسد بطولة مصرية، لما تختاروا تختاروا واحد نضيف، طبعاً أحمد عز نضيف جداً، بس ما زال متهماً في قضية، في لغط حواليه. القوات الجوية والجيش وفيلم رائع زي كده.. عدت عليكم الاختيار. هل يجوز؟ أنا عارف إن في ناس بتحبه ومتعاطفة معاه، بس أنا بحب الجيش وتاريخ تلك المعركة أكتر من أي حد في مصر.. للمرة التانية والتالتة اختياركم خاطئ.. اختياركم خاطئ.. مفيش حد هيطلع يقولكم الكلام ده، أنا بقولكم، ولو الفيلم ده اتعمل بالممثل ده، مش هيحقق الرسالة اللي انتوا عايزينها".
وكان المخرج مازن سعيد قد أكد اختيار عز لتولي بطولة الفيلم الذي يكتبه أحمد زايد، ويحكي من خلاله الدور البطولي لرجال القوات الجوية المصرية، الذين قدموا ملحمة وطنية خلال معركة المنصورة، التي كانت أطول معركة في تاريخ القوات الجوية بالعالم، وفقاً للإحصائيات والأرقام المعلنة.