حصريا.. بالفيديو مرتضى منصور يفتح النار على زاهر والخطيب وشحاته ويسري فوده وريم ماجد

فتح مرتضى منصور النار على سمير زاهر رئيس الاتحاد المصري لكرة القدم ومحمود الخطيب في المؤتمر الصحفي الذي اقامه في امبابة امس لدعم ابنه احمد مرتضى منصور في انتخابات مجلس الشعب عن دائرة امبابة والدقى .
وتهكم مرتضى منصور على يسري فوده وريم ماجد المذيعين في قناة " او تي في " ووصفهما " بالمقرفين " كما تهكم على نجيب ساويرس مالك القناة مؤكدا انهم جميعا يتاجرون بالآم الشعب في الوقت الذي يتقاضون فيه الملايين.
وعن ثورة 25 يناير التى اطاحت بنظام الحكم بأكمله قال مرتضى منصور :" احنا مش حنسأل كام مشروع اتفتح بعد ثورة يناير لكن انا عايز اسأل كام مشروع اتقفل بعد ثورة 25 يناير .. ثورة يناير مش علشان خراب مصر "
وأضاف :" وقفت انا وابني احمد في التحرير يوم 25 يناير وبعدين رجعنا اشغالنا زي ناس كتير "
وتابع :" الناس اللى قاموا بالثورة خلاص روحوا بيوتهم لكن الناس اللى هاجمت وزارة الدفاع وراحوا عند ماسبيرو او اللي راحوا العباسية واللى ضربوا القضاة دول مش عايزين البلد تقوم وعاوزنا نكون زي العراق او جزء من قطر اكيد لهم اغراض تانية "
ووصف مرتضى منصور يسري فوده " بالا صفراوي " وشبهه بالضيف احمد في الوقت الذي اطلق على ريم لقب " الاستاذ " ريم وشبهها بالرجال .
وتطرق منصور الى الحديث عن الشيخة " موزة " زوجة امير قطر ودورها في تنظيم مباراة مصر والبرازيل التى اقيمت قبل نحو يومين وانتهت بهزيمة الفراعنة بهدفين نظيفين وسط اداء باهت من جانب المصريين .
وانتقد سمير زاهر رئيس الاتحاد المصري لموافقته على اقامة المباراة خارج مصر وقال منصور :" انا ندمان اني وقف بجانبك يا سمير يا زاهر رغم البلاوي اللى انت عاملها , وبدل ما تتدخل وتخلي المباراة تقام في مصر علشان نوصل للعالم رسالة نقول فيها ان مصر بلد الامن والأمان ضحيت بكل هذا من اجل الدولارات وواخد وراك حسن شحاته والخطيب"
يذكر ان مرتضي منصور يدرس التنازل عن قضية انتخابات نادي الزمالك المقررة يوم السبت المقبل حول إبطال شرعية مجلسه السابق برئاسة ممدوح عباس .
وكان مراسل "جود نيوز فور مي" قد حصل على تأكيدات من ابن مرتضي منصور مفادها أن والده يدرس التنازل عن قضية الزمالك ضد مجلس ممدوح عباس لصالح النادي الأبيض.