اخبار |تغريدة - العسكري خطف الأضواء وبركات استعادها

ذهبت أغلب تعليقات أصدقاءنا على شبكات التواصل الاجتماعي نحو محمد بركات نجم الأهلي في مباراة الزمالك يوم الأحد، بعدما خطفها أحد المجندين المتواجدين في الملعب.
وتعادل الأهلي مع شقيقه في سادس جولات مرحلة المجموعات بدوري أبطال إفريقيا ليتأهل كمتصدر للمجموعة.
وسجل الزئبقي الذي لم يخسر أمام الزمالك طوال مشواره مع الأهلي منذ 2004 ليعيد المباراة لنقطة البداية بعد هدف محمد إبراهيم.
ويسترجع FilGoal.com شريط الحدث من خلال تعليقات متابعينا على أحد أكبر مواقع التواصل الاجتماعي (تويتر).
مع بداية المباراة قالوا
#القمة138 حاسس إن مع الوقت من كتر الاشتغالات اللي بتعملها أديداس في تي شيرت الأهلي هيقلب على تي شيرت الكروم!
— Khaled Medhat (@KhaledMedht) September 16, 2012
@filgoal_live ياجدعان حد يفهم شكري انه بيلعب في الاهلي مش برشلونة , لحسان رقم 10 جايبه انفصام وفاكر نفسه ميسي.
— mimit aibk (@mimit619) September 16, 2012
مشكلة لاعبى خط ألوسط فى مصر انهم فاكرين نفسهم تشابى الونسو وإن زمايلهم نسخة من كريستيانو@filgoal_live
— Mohamed S. Mahmoud (@MoMoBiaNcoNero) September 16, 2012
@filgoal_live احمد حسن ابن شداد خمسين فاول وكلهم صح وبيعترض
— mohamed solasy (@m_solasy) September 16, 2012
وبعدما سجل محمد إبراهيم هدف الزمالك
@filgoal_live انا بقول كفاية كده، نحسب #الزمالك كسبان ونلعب شوط زيادة في أي ماتش قمة جاي :D
— B for Barakotta (@ahmad_baraka) September 16, 2012
أحمد صديق اترقص من محمد إبراهيم بالنية!! #القمة138
— (D)ulk! (@Diaa_Soliman) September 16, 2012
@filgoal_live والله ما فرحت بالجول أنا فرحت لفرحة العسكري اللي ف الاستاد :‏)‏
— ☼ كعبول الأكول ☼ (@JoeSala7) September 16, 2012
@filgoal_live لازم العسكري ده يدعي ان رئيس الوحده بتاعته ميبقاش اهلاوي .. عشان دي فيها سنه حبس
— Badawinho !!!! (@MahmoudBadawyZR) September 16, 2012
العسكري ده ممكن يحصله زي ما سامي سرحان عمل في اشرف عبد الباقي ف الأرهاب والكباب
— أبو الأحاليم (@7elmy7elmy) September 16, 2012
وبين الشوطين استعد الجميع لرؤية بركات في الملعب
الزمالكوية بيتكلموا عن بركات اكتر من الجول
— Ahmad Saied (@asaied) September 16, 2012
وعندما سجل بركات
@filgoal_live بركات لا يفني ولا يستحدث من عدم
— mohamed solasy (@m_solasy) September 16, 2012
BarKat has No End :D @filgoal_live
— المواطن Z (@A7medElzoghby) September 16, 2012
متهيألي لو الأهلي داخل ماتش القمة وبركات مصاب، هايحطوه في القايمة رخامة ، عشان يجيب هسس للاعيبة الزمالك
— أبو الأحاليم (@7elmy7elmy) September 16, 2012
وبعدما تصدى إكرامي لكرة صعبة من محمود فتح الله
@filgoal_liveبرافو اكرامي .... أول مرة أقولها من يجي 6شهور
— Abuelazm,mohamed joe (@dr_abuelazm) September 16, 2012
#القمة138 و بعد جملته الشهيرة " باص باص " بيضيف البدري " يابني يابني "
— Ahmed Essam (@A7mad3essam) September 16, 2012
@filgoal_live ماتش من غير أبو تريكة و شيكابالا كانك بتتفرج على فيلم مالهوش قصة و مفيهوش فن
— المهندس المطحون(@ahmedtaw2am) September 16, 2012