تغريدة - سوبر العار

قوبلت مباراة السوبر بين الأهلي وإنبي برفض من أصدقاءنا على شبكات التواصل الاجتماعي بعد الجدل الذي أثير حولها.
وتغلب الأهلي على إنبي بهدفين لهدف في مباراة يتيمة غاب عنها الجماهير.
تراجعت مجموعة أولتراس أهلاوي عن نيتها في اقتحام مباراة السوبر قبل ساعات من بداية المباراة.
واستضاف استاد برج العرب بالاسكندرية المباراة التي عاد بها النشاط الكروي في مصر بعد سبع أشهر من التوقف بسبب فاجعة بورسعيد فبراير الماضي.
ويسترجع FilGoal.com شريط الحدث من خلال تعليقات متابعينا على أحد أكبر مواقع التواصل الاجتماعي (تويتر).
9-9-2012تاريخ اسود في تاريخ النادى الاهلي
— khaled mostafa (@khaledbeh) September 9, 2012
شباب الالتراس يذكروننا باصل القضية..القصاص، ثم القصاص، ثم القصاص
— Dr_Mohamed_Habib (@Mohamed_Habib_T) September 9, 2012
هيبة الدولة في ضبط المرور و سلوك سائقي الميكروباس، و في حماية المستشفيات و في ردع المتحرشين، و في القدرة على محاكمة القتلة لا في كرة القدم
— Fadel Soliman (@FadelSoliman) September 9, 2012
والله العظيم الخواجة جوزيه عمره ما كان لعب الماتش ده! ربنا يمسيه بالخير كان مصري اكثر من مصرين كتير!#Ahly #UA07 #أولتراس
— Hisham Mongy Fathy (@HishamMongy) September 9, 2012
أنا أهلاوي متعصب،أذهب لمباريات الأهلي من 42 سنه ..أتمنى الأهلي ينهزم للأبد وماتقومش له قومه تاني..ربنا ينكد عليهم وعلى جمهورهم اللي موافقهم
— Khaled Farghaly (@khaledfarghaly) September 9, 2012
ماتش في ملعب جيش في الصحرا وبتأمنه الداخلية والشرطة العسكرية واللعيبة هربوا من فتحة في الفندق... الجمهور هيحكم لا محالة
— Ahmad Amin (@Manshy_007) September 9, 2012
لسة عندي امل 1٪ ان اللعيبة تعمل حركة قوية وينزلوا الملعب يعملوا اكشن ومايلعبوش#سذاجة
— الدبش اللي في شلك(@joe_sosta) September 9, 2012
مدحت شلبي: الماتش لو ماتلعبش الدولة هاتنهار.. على كدة لو الماتش اتلعب مصر هاتاخد عضوية الاتحاد الاوروبي؟
— إبراهيم الجارحي (@Ibrahim_Elgarhi) September 9, 2012
عفوا مجلس الادارة و الاعبين لقد سقط القناع وظهر وجهكم الحقيق ان الفلوس أهم من دم اللى مات و هو بيدافع عنكم
— الدون . زغلول(@zaghloul17) September 9, 2012
الهدف حق الشهداء...مش الغاء المباراة #الوسيلة_والغاية
— Ahmed ragab (@Ahmed_Ragab) September 9, 2012
دلوقتى واحد هيطلع يلبّس حسام حسن المشكلة ويقولك ماهوّ لو كان خد الدورى مع الزمالك كان زمان الزمالك هوّ اللى بيلعب السوبر ومفيش مشاكل
— عَمروُ أحمد (@amrO27med) September 9, 2012
تسقط رأسمالية الكرة "كرة القدم الحديثة" التى جعلت منكم كلاباً تلهثون وراء الملاليم مستهزئين بأرواح الشهداء #AgainstModernFootball#Ultras
— MohamedAElgarhy (@MohamedAElgarhy) September 9, 2012
(اﻻعيبة ﻻ اﻻعيبة ﻻ) نطق بيها انس و رشدى و الغندور !! دلوقتى يا انس انت و رشدى والغندور قوليلى اﻻعيبة اه قولوا
— Ahmed Idrees (@IdreesEdu) September 9, 2012
تعرف يعني أيه شباب الأولتراس .. يعني تمشي أكتر من 46 كيلو على رجلك " الطريق الدولي بالكامل " علشان يجيب حق صاحبه اللي مات "
— Yomna S. (@jomna55) September 9, 2012
الأهلي بيلعب في حماية الداخلية. المتسببة في مجزرة بورسعيد. وبتحميه من مين؟ من جمهوره الي ماتوا وهو بيشجعوه
— مُحَمّد رَشَاد (@MohamedRashad90) September 9, 2012
وأخيرا..
أفضل من تضامن مع #الالتراس هو شريف اكرامي !#UA07
— Ahmed Elsheikh (@AEl_sheikh) September 9, 2012
@filgoal_live ]دي أول بطولة للأهلي مفرحش بيها ولا أتفرج علي تتويج اللاعيبة.. انه سوبر العار .. و المجد للشهداء و يصبر أهلهم #الأهلي
— Ahmed Ghaleb (@Ghaleb_14) September 9, 2012