تغريدة - عبد الظاهر .. الظالم والمظلوم

أراء متضاربة عبر مواقع التواصل الاجتماعي، بين متعاطف مع أحمد عبد الظاهر مهاجم الأهلي عقب العقوبات التي وقعت ضده من قبل مجلس إدارة الأحمر، وبين مهاجمة لتصرف اللاعب بإقحام السياسة في الرياضة.
وكعادة FilGoal.com والتواصل مع متابعيه عبر صفحته على موقع التواصل الاجتماعي (Twitter) .. أطلق هاشتاج #ازمة_عبدالظاهر للاستفسار حول أراء المشجعين عما قرره مجلس إدارة الأهلي.
ظلم فادح للاعب، حرام بجد #ازمة_عبدالظاهر
— Kareem Hassabu (@kareemhassabu) November 12, 2013
#ازمة_عبدالظاهر حسن حمدى بيجامل طاهر ابوزيد عشان موضوع انتخابات مجلس الاداره شيلنى واشيلك
— هشبطلك السن ツ (@MidoZizOoO) November 12, 2013
#ازمة_عبدالظاهر والله لو في لعيبة رجالة في النادي ده ,يقفوا جنب عبد الظاهر بطريقة او بأخرى
— درويش بيضحك (@mohmedemam5) November 12, 2013
#ازمة_عبدالظاهر لاعب شارك وكان من اسباب فوز الاهلي بالبطولة يتمنع من انه ياخد مكافأة تعبه مع الفرقه ليه !
— Mohammed El-Sawy (@sawyz) November 12, 2013
عقوبات مبالغ فيها بس هو دا تعامل الأهلي مع اي حد يخرج عن السياق ..كان قبله الحضري وحسام حسن واخرهم تريكه ف ماتش السوبر #ازمة_عبدالظاهر
— maحmoud (@ma7mod_aelaziz) November 12, 2013
#ازمة_عبدالظاهر بالنسبة للعقوبات كان ممكن يتحرم من المكافأة و يتمنع ماتش او اتنين مش لازم كل الافورة دى.ولو كدا يبقى الكل يتعاقب
— Nehal (@looulitaaa) November 12, 2013
يعنى يوم ما تجيب جون له لزمة تعمل #ازمة_عبدالظاهر انا عايز اسأل سؤال هو ينفع فى مجلس الشعب يقسموا فرقتين ويلعبوا كورة .. بلد مضروبة فى خلاط
— Khaled ShabaNah (@Khaled_Shabanah) November 12, 2013
دخل نفسه في قصة هو في غني عنها #ازمة_عبدالظاهر
— Nadeem Ahmed (@DeMo_MU) November 12, 2013
من أخطأ يعاقب ، الدنيا مش سبهللة #ازمة_عبدالظاهر #اتحاد_الكرة
— Amr Ahmed (@Messitheunlimit) November 12, 2013
#ازمة_عبدالظاهر من الاخر يحطوا قاعده اللى هيدخل سياسة فى الرياضة يتعاقب و تبقى العقوبة معروفة و متبقاش قاسية للدرجة
— Nehal (@looulitaaa) November 12, 2013
-احنا نادي الوطنية
*وقف عبد الظاهر لخلطه الرياضة بالسياسة*
-اصل الوطنية غير السياسة
=لا و الله.
#ازمة_عبدالظاهر
— البصمجي (@iHoba_) November 12, 2013
الكرة هى الحاجة الوحيدة اللى بتجمعنا ودلوقت الحاجة الوحيدة اللى بتفرحنا ومش عاوزين نحولها هى كمان لصراع سياسى وتحية للاهلى #ازمة_عبدالظاهر
— العلمانى Besooo (@BassemAmin) November 12, 2013
والله صعبان عليا عبد الظاهر جدا لأنه ضيع نفسه بحركة مالهاش أى ﻷزمة مخالفة لتعليمات النادي و الأهلي ماعندوش تهاون على الإطلاق #ازمة_عبدالظاهر
— Ahmed Salah (@Ahmed_Salah1907) November 12, 2013
الاهلي برئ من ادارة حسن حمدي #ازمة_عبدالظاهر
— Omar Shaker (@O_Shaker) November 12, 2013