الجمارك: تسهيل الإجراءات لخفض أعباء الإنتاج والتصدير وخلق بيئة أعمال محفزة للاستثمار    الرئيس السوري: أحداث السويداء الأخيرة أظهرت طموحات انفصالية استقوت بالخارج    مطالبا بتعويض 10 مليارات دولار.. ترامب يقاضي «وول ستريت جورنال» بسبب جيفري إبستين    «مشكلة مع مسؤول زملكاوي».. رئيس تحرير الأهلي يكشف سبب أزمة أحمد فتوح وموقف إمام عاشور    «الداخلية»: ضبط «قائد الملاكي» المتهم بالسير عكس الاتجاه بالإسكندرية    حالة الطقس اليوم السبت 19 يوليو 2025.. الأرصاد توجه نصائح مهمة للمواطنين    افتتاح نموذج مصغر من المتحف المصري الكبير في العاصمة الألمانية برلين الاثنين المقبل    سلمى صباحي تعلق على مشاركة ابنتها «حلم» في «كتالوج»: «مستنية العرض من رمضان قبل اللي فات»    وزير الكهرباء يبحث الموقف التنفيذي لتوفير التغذية لمشروعات الدلتا الجديدة    طب قصر العيني يبحث مع مسؤول سنغالي تعزيز التعاون في التعليم الطبي بالفرنسية    اعرف مرشحك.. أسماء المرشحين في انتخابات الشيوخ 2025 بجميع المحافظات | مستند    الإصلاح والنهضة: الشراكة الاستراتيجية بين مصر والسعودية حجر الزاوية لاستقرار المنطقة    الكونغو وحركة "إم.23" توقعان إعلان مبادئ لوقف إطلاق النار في شرقي البلاد    ليلى علوي نجم الدورة 41 لمهرجان الإسكندرية السينمائي لدول البحر المتوسط    بالصور.. نانسي عجرم تستعرض إطلالتها بحفل زفاف نجل إيلي صعب    إلهام شاهين وابنة شقيقتها تحضران حفل زفاف في لبنان (صور)    أسباب الشعور الدائم بالحر.. احذرها    القاهرة الإخبارية: وقف الحرب لم يضع حدًا للاشتباكات في السويداء    طفل يقود تريلا.. الداخلية تكشف ملابسات فيديو صادم | فيديو    أسيل أسامة تحصد ذهبية رمي الرمح بالبطولة الأفريقية في نيجيريا    محافظ البنك المركزي يشارك في الاجتماع الثالث لوزراء المالية ومحافظي البنوك المركزية لمجموعة العشرين "G20"    تعاون أكاديمي جديد.. بنها ولويفيل الأمريكية تطلقان مسار ماجستير في الهندسة    رسالة مؤثرة وتحية ل"الكينج".. أنغام تتألق بافتتاح مهرجان العلمين الجديدة    حملات مكثفة بالبحيرة.. غلق عيادات غير مرخصة وضبط منتحل صفة طبيب    وزارة الصحة": إجراء 2 مليون و783 ألف عملية جراحية ضمن المبادرة الرئاسية لإنهاء قوائم الانتظار منذ انطلاقها في يوليو 2018    تحليق مكثف للطيران الإسرائيلي فوق النبطية والحدود الجنوبية للبنان    الاستهدافات مستمرة.. غزة تدخل مرحلة الموت جوعًا    اندلاع حريق داخل مخزن فى البدرشين والأطفاء تحاول إخماده    "بائعة طيور تستغيث والداخلية تستجيب".. ماذا حدث في المعادي؟    الجهاز القومي لتنظيم الاتصالات يُقر تعويضات إضافية لعملاء الإنترنت الثابت    محافظ المنيا يتفقد محطة رفع صرف صحي بردنوها لخدمة 30 ألف مواطن بمركز مطاي    رابط نتيجة تنسيق رياض الأطفال الجيزة 2025 (الموعد والخطوات)    التعليم: إتاحة الاختيار بين الثانوية والبكالوريا أمام طلاب الإعدادية قريبا    إعادة الحركة المرورية بالطريق الزراعي بعد تصادم دون إصابات بالقليوبية    ب4 ملايين جنيه.. «الداخلية» توجه ضربات أمنية ل«مافيا الاتجار بالدولار» في المحافظات    ليفربول يعزز هجومه بهداف أينتراخت    "استعان بأصدقائه".. كيف يعمل رونالدو على إعادة النصر لمنصات التتويج؟    بعد فسخ عقده مع القادسية السعودي.. أوباميانج قريب من العودة لمارسيليا    توقيع اتفاقيات تعاون بين 12 جامعة مصرية ولويفيل الأمريكية    إسرائيليون يعبرون إلى الأراضي السورية بعد اشتباكات مع جيش الاحتلال    «سباكة ولحام ونجارة».. بدء الاختبارات العملية للمرشحين للعمل في الإمارات (تفاصيل)    بسبب تشابه الأسماء.. موقف محرج للنجم "لي جون يونغ" في حفل "Blue Dragon"    الواعظة أسماء أحمد: ارحموا أولادكم صغارًا تنالوا برهم كبارًا.. والدين دين رحمة لا قسوة    عاوزه أوزع الميراث على البنات والأولاد بالتساوى؟.. أمين الفتوى يجيب    وزيرة التنمية المحلية تبحث التعاون في نظم المعلومات الجغرافية مع شركة Esri    هل خصم فيفا 9 نقاط من الإسماعيلي؟.. النادي يرد ببيان رسمي    الصحة: إجراء 2 مليون و783 ألف عملية جراحية ضمن المبادرة الرئاسية لإنهاء قوائم الانتظار    «الرعاية الصحية»: إنشاء مركز تميز لعلاج الأورام في محافظة أسوان    هل يُفسد معسكر إسبانيا مفاوضات بيراميدز مع حمدي فتحي؟    شاهد أعمال تركيب القضبان بمشروع الخط الأول بشبكة القطار الكهربائى السريع    تعرف على مواقيت الصلاة اليوم السبت 19-7-2025 في محافظة قنا    أسعار الأسماك والمأكولات البحرية اليوم السبت    «مرض عمه يشعل معسكر الزمالك».. أحمد فتوح يظهر «متخفيًا» في حفل راغب علامة رفقة إمام عاشور (فيديو)    أول ظهور ل رزان مغربي بعد حادث سقوط السقف عليها.. ورسالة مؤثرة من مدير أعمالها    كل ما تريد معرفته عن مهرجان «كلاسيك أوبن إير» ببرلين    عميد طب جامعة أسيوط: لم نتوصل لتشخيص الحالة المرضية لوالد «أطفال دلجا»    داعية إسلامي يهاجم أحمد كريمة بسبب «الرقية الشرعية» (فيديو)    أحمد كريمة عن العلاج ب الحجامة: «كذب ودجل» (فيديو)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



أنا آسف يا مصريين
نشر في الوطن يوم 25 - 06 - 2015

السلام عليكم ورحمة الله وبركاته.. بما أننا فى رمضان بقى قلت أبدأ كلامى بتحية الإسلام على كل الناس، وتحية الإسلام هى السلام، السلام على كل الناس يعنى مش على المسلمين بس.
أنا مش عارف ليه فيه ناس مصرة إنها تصطاد فى الميه العكرة، هل دى ناس فاضية؟ ولا ناس تافهة؟ ولا مش ناس أصلاً؟
أكيد كلامى مش مفهوم مع إنى حاسس إن فيه ناس فهمت، عموماً أنا بكلامى ده بقصد بيه بعض الناس السخيفة اللى بيكتبوا حاجات على فيس بوك مالهاش لا طعم ولا معنى، باختصار لما واحد من المفروض إنه مسلم يقول على إخواننا المسيحيين «أخبث ناس فى المجتمع» عشان بيفطّروا المسلمين فى الشارع وقت الفطار فى رمضان، مش كده وبس، لأ، ده كمان بيوصف المسلمين اللى بياخدوا منهم الأكل بإنهم أجهل ناس فى المجتمع، ده غير وصفه إن فلوس المسيحيين حرام وحاجات من هذا القبيل، طب السؤال اللى بيطرح نفسه هنا: مين حضرتك؟ وهل باللى انت بتعمله ده عايز تقول إن الإسلام كويس؟ طب لو فرضنا إن دى نيتك يبقى منين الإسلام كويس ومنين حضرتك بتوصف المسلمين اخواتك اللى بيفطروا فى الشارع بأنهم أجهل ناس فى المجتمع؟ إنت ماحدش قالك إن الشتيمة حرام؟ وبعدين انت عرفت منين إن الناس اللى بتوزع الأكل مسيحيين أصلاً؟ شفت بطايقهم مثلاً؟ ولا انت مكشوف عنك الحجاب؟ ولو كانوا مسيحيين مين حضرتك برضه عشان تحكم وتقرر إنه حرام يوزعوا أكل على مسلمين؟ ومنين جالك الوصف بإنهم أخبث ناس فى المجتمع؟ عموماً يا أستاذ يا محترم، إنت شخصياً مش قضيتى لأن للأسف فيه منك كتير، أنا قضيتى هى فكرة الناس اللى زيك كده اللى عايزين يحوّلوا مواقع التواصل الاجتماعى إلى مواقع للانفصال الاجتماعى والعنصرية، طب بقوللك إيه، ما تيجى نقسم الحكاية وننظمها، يعنى نعمل فيس بوك إسلام وفيس بوك مسيحى، واقولك حاجة كمان، نعمل فيس بوك أطفال وفيس بوك كبار عشان الاختلاط حرام ويبقى بتاع الكبار بفلوس علشان نضمن عدم تسلل الأطفال، ما هى ظيطة بقى.
عموماً، عجبنى قوى رد أحد الأشخاص عليه تعليقاً على كلامه واسمحولى أكتبه زى ما هو (إلى الأستاذ...... ربنا يسامحك، أنا قبطى من المتخلفين اللى ممكن يوزع على اخواته المسلمين عصير وميه، وإذا كانت هذه هى الضريبة التى سوف ندفعها إنك تسبّنا حتى نطفئ نار الفتنة ونلتصق باخواتنا المسلمين رافعين راية الوطن نساء ورجال أطفال وشيوخ يدنا بيد بعض فسوف أرد بأصعب وأعنف رد وهو: ربنا يسامحك، وهقولك كل سنة وانت طيب، رمضان كريم ويعيده عليك وعلى أسرتك الكريمة بألف خير).
.. .. .. .. .. .. .. .. .. .. .. .. .. النقط دى مش غلطة مطبعية، بس بجد مش عارف أقول إيه؟ فيه رد أحلى من كده ممكن يتقال؟ أنا مش فى صف حد ضد حد، ولا أعرفك أصلاً يا عم الأستاذ المتعصب انت ياللى طلعتهم أخبث ناس وطلعتنا أجهل ناس، بس عايز أعرف إحساسك بعد الرد ده، خصوصاً إن كل الناس اللى كتبت كومنتات تقريباً كانت بتحمل نفس المعنى وإن لم يكن بعضها أعنف من كده حبتين، أحب اقولك إنك هتفضل خسران على طول الخط، إحنا بلد واحد ونسيج واحد عمرنا ما هنتفرق ولا نصطدم وهنفضل كده إلى الأبد، وعلى فكرة زمان مصر ماكانتش مسلم ومسيحى بس، لأ ده كان معانا إخواننا اليهود كمان وبرضه كنا نسيج واحد وفيه ناس منهم يوم خروجهم من البلد كان يوم موتهم مش فرحهم، وفيه منهم اللى فضل هنا لحد النهارده، واحب أوضح إن أنا بتكلم عن يهود مصر حاملى الديانة اليهودية والجنسية المصرية وليس الفكر الصهيونى، وهناك فرق كبير، زى الفرق اللى بين الأستاذ اللى انتقد إخواننا المسيحيين واللى المفروض إنه مسلم وبين أى مسلم بجد عارف دينه وفاهمه وعارف إن ربنا سبحانه وتعالى زى ما أنزل القرآن أنزل كمان الإنجيل والتوراة، وعارف إن الحساب يوم الحساب من رب عادل وكريم وعارف إنه مايقدرش ينصب نفسه حكم بين الناس وإن أقصى ما يمكن فعله هو النصيحة عندما يطلب منه ذلك.
كفاية سخافات بقى، ويا ريت كل واحد فينا يركز فى حياته ودنيته ودينه ويسيبه من تفاصيل اللى قاعد جنبه، ولما تقرر تبقى مهم اعمل حاجة تخليك مهم، اشتغل واتعب واحفر فى الصخر، لكن طول ما انت فاضى وقاعد على النت ومنصّب نفسك قاضى ولا عمرك هتكون مهم ولا حتى هيكون لك وجود فى أى شىء.
وبما أننى أكره العنصرية والتصنيف بكل أشكالهم مش هعتذر للمسيحين، بس باعتذر لكل المصريين، إحنا واحد وهنفضل طول عمرنا واحد ولن يفرقنا شىء، عندى أنا دى يا مصريين.


انقر هنا لقراءة الخبر من مصدره.