بكلمات مؤثرة.. صلاح عبد الله يدعم ياسمين عبد العزيز: بسمة قلبي في أصعب الأوقات

وجه الفنان صلاح عبدالله، رسالة للفنانة ياسمين عبدالعزيز، التي ترقد حاليًا في أحد المستشفيات بعد إجرائها عملية خطيرة - حسب قول شقيقها - وذلك عبر حسابه بموقع التواصل الاجتماعي «فيس بوك».
صلاح عبد الله عن ياسمين عبد العزيز: وقفت جنبي من 2010 في ظروف صعبة
ونشر الفنان صلاح عبدالله، صورة تجمعه بالفنانة ياسمين عبدالعزيز، مصحوبة بكلمات تحمل تمنياته بالشفاء العاجل لها بقوله: «حبيبتي وبنتي وضحكت عيني وبسمة قلبي في أصعب الأوقات، ألف سلمة يا ياسميني يادودي يا أجمل الجميلات».
وأضاف الفنان صلاح عبدالله في تعليقه على الصورة، «في كل الظروف الصحية الصعبة اللي مريت بيها من 2010 كانت دايماً جنبي، أرجوكم تدعوا من قلوبكم لبنتي الغالية ياسمين عبدالعزيز، يارب أرزقها الشفاء التام والعاجل يارب».

ياسمين عبدالعزيز تخضع لعملية جراحية خطيرة وترقد في العناية المركزة
وكان الفنان أحمد العوضي، قد كشف عن مرور زوجته الفنانة ياسمين عبدالعزيز، بأزمة صحية عبر حسابه بموقع التواصل الاجتماعي قائلًا: «يمكن ببان قدامكم دايمًا قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا».
وتابع: «أنا ضعيف جدًا من غيرك إنتي لازم تبقي كويسة ولازم تقومي بالسلامة، أنا لأول مرة أكتب من غير ما أكون مفكر أنا بكتب إيه وهكتب إيه؟، بس إنتي هتقومي إن شاء الله بإذن الله عشان إنتي وعداني وعد وهتنفذيه».
واستطرد قائلًا: «أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما إنتي بتشوفيني أنا دلوقتي ضعيف ضعيف جدًا لحد ما تقوميلي تاني عشان زي ما إنتي بتاخدي قوتك مني أنا كمان باخد قوتي منك».
واختتم العوضي رسالته لزوجته ياسمين عبدالعزيز قائلًا: «قومي عشان أنا بحبك، بحبك أكتر بكتير من كل الكلام اللي أنا كتبته، أكتر بكتير من كل اللي عدينا بيه مع بعض من أيام حلوة ومواقف صعبة مرت علينا، أكتر بكتير حتى من الموقف اللي احنا فيه دلوقتي، أنا بحبك».
وطالب الفنان أحمد العوضي، جمهوره ومتابعيه، بضرورة الدعاء لزوجته ياسمين عبدالعزيز، بقوله: «ادعولها تقوم بالسلامة زي ما إنتو دايمًا بتدعولها بالنجاح والتوفيق، هى دلوقتي محتاجة دعواتكم».