الباعة الجائلون يرفضون نقلهم ل"الترجمان": المكان عبارة عن صحراء..و"محدش بيروح هناك"

رصدت عدسة "الوطن" ردود أفعال الباعة الجائلين المتواجدين بمنطقة وسط البلد والإسعاف والوكالة، حول نقلهم لأماكن مخصصة بمنطقة جراج الترجمان بالسبتية، حيث تم تخصيص أماكن لهم بساحة الجراج، لحل مشكلة الباعة بالشوارع.
ورفض العديد من الباعة هذا القرار، لبعد المسافة بين أماكن وجودهم الآن والمنطقة التي سيتم نقلهم إليها، حيث قال أحدهم: "عايزين يودونا حته صحرا ميته طب يشوفولنا مكان أحسن، يعني هاندفع إيجارات ومصاريف ومحدش هايجلنا كمان" وعقَّب آخر: "حرام والله بص الشارع دلوقتي في ناس إزاي لكن هناك محدش بيروح غير بتوع محلات السبتية"، وهناك من وافق على النقل قائلًا: "أنا واحد من الناس من ساعة ما الحكومة قالت إنهم هاينقلونا ولكن لسه لحد دلوقتي محدش استلم حاجة".
ورد مسؤول الأمن في موقف الترجمان على أسباب رفض البائعين نقلهم للترجمان، حيث قال: "رفض الباعة تغيير أماكنهم غير بعد رمضان، لأن ده الموسم بتاعهم، ونائب محافظة القاهرة أقر تسليمهم قبل رمضان، لكن لسه مفيش حاجة اتسلمت".
جدير بالذكر أن المهندس إبراهيم محلب، رئيس مجلس الوزراء، كان قرر نقل الباعة الجائلين بمنطقة وسط البلد، لجراج الترجمان، بشكل مؤقت، لحين الاستقرار على مكان نهائي.