م الآخر| أنا غيرهم

ويحرم علي القلم اسمك
ويرحل م العقل فِكرك
بعيدة وكنت أقربلك
غريب بين البنات قلبك
ولونك مش بيشبهلي
وقلبك مش بيشتقلي
وقلبي ملكي أنا لوحدي
كرهت العشق من بدري
وقلتلك أنا غيرهم
أنا غيرهم ومش باقي
في طبعي مش راضي
ولو كان كيف القمر وجهك
أنا برضو مش هاجي
ومش هاجي علي نفسي وهاتحمل
ولا أكدب علي نفسي وأتجمل
وقولتيلي أنا صغيرة وهاتعقل
وقلتلك أنا غيرهم ومتقارنيش
قارنتيني وقلتي متسبنيش
وخليتني وحذرتك من عناد جنسك
وقلتلك إحنا مش ندين
ولا عيبة قولة حاضر
ولا هاجي علي ضعفك واقول راجل
وهاحميكي حتي من نفسك
واسمع همسة من حسك
وايوة كنت انا عصبي
وصوتي سابق لغضبي
لكنك علي سببة مدورتيش
زعلتي وهجرتي ومعاتبتيش
ومفهمتيش أنا غيرتي زي الهيش
شرارة نار تولع فيها مبتطفيش
ما قلتلك أنا رغيرهم
لكن قلبي عمرة ما شال
وكل ما فية كلام يتقال
وإن كان العتاب سبب سخطك
فده يمكن عشان راحة البال
وكل كلامك ما يعنيني
لأنك لسة ما عرفتيني
أنا الباقي علي الباقي ع سنيني
رحيلك رغبة بترفرف علي عقلك
وأنا مسامح ومش ظالمك
هامشي وهتمشي بس متبصيش
ورا ضهرك
لأنك مش هتشوفي غير ضلك
وقلتلك أنا غيرهم