النيابة تواجه حنين حسام بالفيديوهات وتتهمها بالتحريض على الفسق والفجور

قال مصدر قضائي إن نيابة شمال القاهرة الكلية بإشراف المستشار ياسر أبو غنيمة المحامي العام الأول، تواجه الطالبة حنين حسام، صاحبة فيديو "افتحي الكاميرا"، الذي أثار جدلًا على جروب "تيك توك" وتطبيق "لايكي"، بفيديوهاتها المعروفة إعلاميا باسم "افتحي الكاميرا" و"عايزة 100 بنت والقبض هيصل 3000 دولار"، حيث تواجه اتهام بتحريض الفتيات على الفسق والفجور.
وأضاف المصدر، أن النيابة وجهت عدة تهم للطالبة حنين، من بينها تهمة الدعوة من خلال وسائل التواصل الاجتماعي لتحريض الفتيات على الفسق والفجور ومخالفة الآداب العامة، من خلال عدة فيديوهات نشرتها على حسابها عبر جروب "تيك توك" وتطبيق "لايكي".
كانت أجهزة الأمن، ألقت القبض على المتهمة بعد أن ظهرت "حنين" في فيديو من منزلها، ودعت الفتيات إلى العمل من المنزل، بعائد مادي يصل إلى مئات الدولارات، قائلة، "أنا عارفة أن في ناس كتيرة قاعدة فى البيت وأشغالها اتعطلت.. علشان كده أنا عملت وكالة على لايكي، الجروب هيكون بنات بس.. وتطلب من متابعيها وخاصة الفيتات عمل فيديو لايف على تطبيق لايكي مقابل أموال كثيرة".
وأضافت الطالبة في الفيديو: "أنا عارفة إن عندكوا مشاكل مادية، أنا عملت وكالة على (لايكي) مسكت ورقها وإدارتها، أنا اللي هكون في الجروب، أنا عايزة الجروب بنات بس، مش عايزة أي ولد عشان ده أكل عيش ناس".
وفصلت مواصفات الفتيات التي ترغب فيهن ليحصلن على أموال مقابل كل "لايف": "ميقلوش عن 18 سنة، المفروض إن حضرتك مذيعة في أبلكيشن، يكون عندك نت وإضاءة كويسة".
وأكملت: "اللايف بيكون فورمال، مينفعش تخرجي بأي لبس خارج، أنا مبحبش الحال المايل، مفيش تجاوزات، ومفيش قلة أدب".
وأكملت: "أنا مش هكون عايزة 100 بنت قالعين ملط، لا، 20 بنت من غير كده أحسن، التارجت مش كل الناس هتتساوى ببعض، كل حاجة ليها قبضها وحسب المشاهدات، من أول 36 دولار لحد 2000 و3000 دولار:.
وقالت في الفيديو: "اللايف بوشكم مش بلاك سكرين، إضاءة كويس ونت كويس، وشكل لائق شوية، الداعمين هيدخلوا، هتتعرفي على الناس وتكوني صداقات بشكل محترم وجميل، وأنا بتجيلي كل حاجة، بعد إذنكم مش عايزة تجاوزات في وكالتي، أهم حاجة عندي السمعة والله".