عاجل.. تفاصيل القبض على "حنين" صاحبة فيديو "افتحي الكاميرا" مقابل 3 آلاف دولار

كشفت مصادر أمنية تفاصيل القبض على فتاة ال"تيك توك" حنين، التي ظهرت في فيديو مدته 180 ثانية، تحرض فيه عدد من الفتيات على فتح كاميرا التليفون مقابل مبالغ مالية من 36 إلى 3000 دولار بحسب ما جاء على لسان الفتاة.
وقالت المصادر ل"الوطن" إنه عقب ظهور الفيديو، سادت حالة من الجدل على مواقع التواصل الاجتماعي، واعتبر البعض عن كلام الفتاة محضر على الفسق والفجور بعد أن طلبت الفتيات بالظهور داخل الغرف، وأن لا تقل أعمارهن عن ال18 عاما.
وشرحت المصادر أنه عقب ذلك بدأت أجهزة الأمن في فحص الفيديو، على مدار ال 12 ساعة الماضية، وتبين ان الفيديو يحرض على الفسق والفجور، وتمكنت القوات من تحديد هوية الفتاة بالكامل، وايضا محل إقامتها، وتم استئذان النيابة العامة، والقى القبض على الفتاة، والتحفظ عليها، والفيديو، وتقديمه للنيابة العامة، لمباشرة التحقيق فى الواقعة.
وكانت وزارة الداخلية قد أعلنت عن ضبط الفتاة حنين حسام لقيامها ببث فيديو للتحريض فيه على الفسق والفجور، تم إتخاذ الإجراءات القانونية حيالها وجار العرض على النيابة المختصة.
وظهرت حنين في فيديو من منزلها، ودعت الفتيات إلى العمل من المنزل، بعائد مادي يصل إلى مئات الدولارات، قائلة، "أنا عارفة أن فى ناس كتيرة قاعدة فى البيت وأشغالها اتعطلت.. علشان كده أنا عملت وكالة على لايكى، الجروب هيكون بنات بس.. وتطلب من متابعيها وخاصة الفيتات عمل فيديو لايف على تطبيق لايكي مقابل أموال كثيرة:.
وقالت في الفيديو: "أنا عارفة إن عندكوا مشاكل مادية، أنا عملت وكالة على (لايكي) مسكت ورقها وإدارتها، أنا اللي هكون في الجروب، أنا عايزة الجروب بنات بس، مش عايزة أي ولد عشان ده أكل عيش ناس".
وفصلت مواصفات الفتيات التي ترغب فيهن ليحصلن على أموال مقابل كل "لايف": "ميقلوش عن 18 سنة، المفروض إن حضرتك مذيعة في أبلكيشن، يكون عندك نت وإضاءة كويسة".
وأكملت: "اللايف بيكون فورمال، مينفعش تخرجي بأي لبس خارج، أنا مبحبش الحال المايل، مفيش تجاوزات، ومفيش قلة أدب".
وأكملت: "أنا مش هكون عايزة 100 بنت قالعين ملط، لا، 20 بنت من غير كده أحسن، التارجت مش كل الناس هتتساوى ببعض، كل حاجة ليها قبضها وحسب المشاهدات، من أول 36 دولار لحد 2000 و3000 دولار:.
وقالت في الفيديو: "اللايف بوشكم مش بلاك سكرين، إضاءة كويس ونت كويس، وشكل لائق شوية، الداعمين هيدخلوا، هتتعرفي على الناس وتكوني صداقات بشكل محترم وجميل، وأنا بتجيلي كل حاجة، بعد إذنكم مش عايزة تجاوزات في وكالتي، أهم حاجة عندي السمعة والله".