قال مطرب المهرجانات حسن شاكوش، إنه بالرغم من الشهرة الكبيرة التي حصل عليها بعد أغنية "بنت الجيران" لكن كان له أغنية ناجحة قبل ذلك وهي "وداع يا دنيا وداع" و " أشكرك أوعدك"، ولكن أغنيته الشهيرة بنت الجيران دخلت بيوت العالم أجمع، وذلك خلال مداخلة هاتفية في برنامج "القاهرة الآن"، مع الإعلامية لميس الحديدي، على شاشة "العربية الحدث". وأضاف "شاكوش"، :" أبويا كان صوته حلو وكانت أمنيته في الحياة أن أكون إما مطرب معروف أو لاعب كورة، وبالتالي كلا الهدفين كانت أمنية لوالدي وبدأت معايا الحكاية في أفراح أصحابي لما أخدت المايك وولعت الدنيا"، موضحًا أنه رغبة منه في أن يعرف الكثيرين أسمه كان يقول في أحدى أغانيه "خش يا شاكوش يا جامد"، ومن هنا علق الإفيه مع الشباب. وتابع :" دي البصمة بتاعتي دلوقتي أقول خش يا شاكوش يا جامد وبعدين أبدأ أغني، أنا مبسوط جداً وبحمد ربنا على كل خطوة باخدها وده كله بسبب دعوة والدتي ليا وهي سبب كل اللي أنا فيه "، متحدثًا عن أوضاعه المادية: " الحمد لله الدنيا أفضل بكتير وأهم من الفلوس الصحة والستر".
