محمود العسيلي عن سبب طلاقه لزوجتين: "محتاج معاملة خاصة وست حساسة قوي"

قال الفنان محمود العسيلي إنه لا يحب تداول أخبار حياته الشخصية ولا يفضل نشرها عبر وسائل التواصل الاجتماعي كما يفعل البعض.
وأوضح "العسيلي" أثناء لقائه مع سمر يسري في برنامج "حفلة 11" المذاع عبر فضائية "ON E"، أن أصدقائه لم يعرفوا أنه انفصل عن زوجته الأولى إلا عند زواجه الثانية والتي انفصل عنها أيضًا.
وأرجع سبب انفصاله عن زوجتيه الأولى والثانية، إلى "عدم السعادة".
وأضاف: "أنا مقدرش أعيش مش مبسوط وده مش معناه إن اللي اتجوزتها وحشة بالعكس خالص، لهما كل الاحترام والتقدير".
وتابع: "مقدرش أعيش عيشة معلبة وانا شخصية صعبة وحساس جدًا ومحتاج معاملة خاصة وبدي بشكل معين ومفيش حاجة بالنسبة لي حاجة اسمها حب غير مشروط والحب ده لأمك وعيالك لكن مراتك هتدي وتاخد فلو مدتش قد ما أخدت فمش هتنفع".
واستطرد: "محتاج معاملة خاصة ومحتاج ست تبقى حساسة قوي"، مضيفًا أن زوجتيه السابقتين: "مكنوش حساسين بالشكل اللي انا بحبه والغلط فيا انا لاني بقفل بسرعة والقفلة بتيجي من عدم الاهتمام بالمشاعر بتاعتي".
وأشار "العسيلي" إلى أنه يحتاج لمعاملة خاصة: "انا شخص مش سهل وعايز واحدة شاطرة جدًا تتعامل معايا وانا عصبي لكن مبغلطش".