تداول مستخدمو موقع التواصل الاجتماعي "فيس بوك"، صورة أحد البلاعات فوق أحد الأرصفة والتي تعجز عن صرف المياه التي تُغرق الشارع، زاعمين أنها بأحد شوارع حي المعادي. وتباينت تعليقات مستخدمي الموقع على الصورة بين ساخر وموضح لحقيقة الصورة، حيث كتب أحدهم "براڤو.. عشان متتبلش.. كده مش هيجى عليها ميه.. كان زمانها غرقانه دلوقتى". وكتب آخر في أحد التعليقات "واضح جدا مجرى صرف تحت ع الأسفلت وكمان واضح تدفق المايه فيه.. اللي فوق دي غرفة تفتيش مجاري المساكن اللي داخله الغرفة دي بمواسير من المساكن واللي داخلها مياه المطر من المجرى اللي تحت ومفتوحة دلوقت عشان تتسلك". وأوضح أحد المعلقين أن البلاعة موجودة قبل بناء الرصيف "يا باشا دي جنب بنزينة وطنية في شارع الخمسين في الزهراء وهي كانت في الشارع قبل التجديدات والمحلات اللي فتحت جنب البنزينة ولما حبوا يعملو رصيف للطريق من حظهم البلاعة تطلع في المتر بتاع الرصيف وللامانه مالهاش حل تاني". بينما كتب رابع "اللي ما يعرفش يقول عدس، دا مطبق صرف صحي مش بلاعة ومعمول في الجزيرة وضعه الصح علشان لما يهبط ما يأثرش على الطريق، أما شنايش المطر بتبقى على جانبي الطريق وبتوصل بالمطبق، وواضح هنا إن مفيش شنايش مطر أصلا". اللواء عبد القادر النوري، رئيس حي المعادي، من جهته، أكد أن الحي شكّل غرفة عمليات لمتابعة الأزمة منذ بدايتها، وتسليك البلاعات وكشف أي مخالفات، ولم تصل له أي شكاوي أو بلاغات خاصة بشارع الخمسين، موضحاً أنه موجود في شوارع الحي منذ بداية موجة الطقس السيئة بالأمس، وأنه لم ير مثل تلك البلاعات. وأضاف النبراوي، ل"الوطن"، أنه لم يتلق أي شكاوي اليوم بخصوص سقوط الأمطار، موضحاً أنه أشرف على عمليات تسليك البلاعات وشفط المياه بنفسه. وأشار إلى أن حي المعادي اليوم شهد سيولة مرورية وعدم إغلاق أي شوارع بسبب المياه.
