قال الرئيس عبدالفتاح السيسي إن الثمن الذي يدفعه كل شهيد أو مصاب في الأعمال الإرهابية "وتد يوضع من أجل مصر تفضل مصر". وأضاف السيسي، خلال كلمته في فعاليات الندوة التثقيفية للقوات المسلحة: "دايما اليوم ده بيكون يوم مشهود، وكل الكلام اللي اتقال من الشيخ الفاضل الحبيب علي الجفري عن الشهيد ومكانته، وكل الكلام اللي اتقال من كل أم وأخت وزوجه جميل وعظيم". وتابع: "لما حد بيقول علشان خاطر ترابها، أد إيه التمن اللي بيدفعوا الجيش والشرطة اللي هما جزء من أهل مصر، الناس دي ليهم حق، هما قدموا حياتهم عشان إحنا نعيش في أمان وسلام، وافتكروا الكلام ده إحنا قلناه من يجي 4 أو 5 سنوات، جه اليوم اللي قلنا فيه زمان (نموت ولا حد يقرب منكم)، اللي أنتوا شفتوه ده هو اللي إحنا قلناه، قسما بالله أنا مستعد ألبس الأفرول وأنزل أقاتل جنبا إلى جنب مع قواتنا المسلحة، إذا كان عندنا ثقة في إننا على الحق المبين وإننا بنحارب خوارج العصر، إحنا بنحارب ناس تسيء إلى مقام الآلهية، لأن كل دين هو انعكاس للخالق العظيم، فلو أهل الدين أساءوا للدين فهم أساءوا للخالق". وتابع: "إحنا على الحق المبين، كل مصري ومصرية وشاب وشابة وأم وزوجة".