زياد رحبانى بيصبح

«تحدانى أحدهم أن أكتب لأسبوع كامل مقالات بعيدة عن الشأن السياسى والإخوان والأربع أصابع وقرف الحالة الراهنة والهرى والخناق والتخوين ووجع القلب والمزايدة.. وقد قبلت التحدى، وهذا هو اليوم الثانى».
الكلام عن زياد رحبانى وعبقريته فى «المزيكا» كلام مكرر؛ لذا سأرحمكم منه، وأقدم لكم نسخة «تويتر» من زياد رحبانى، عبر تغريداته الجميلة التى تليق بصباح جميل ومختلف بعيداً عن «قلبة المخ».. وبطعم مختلف ونكهة ساخرة فلسفية رائعة.
استعدوا للتحليق.. ها هو زياد رحبانى يكتب لكم بالعامية اللبنانية:
* ما فيك تَعرف إيدَك الشمال إديش كاين تستَعملها إلّا مَ تكسرها.
* أنا نَزِّلتِك تشتغلى، عَ أساس بِ زيد مَدخولنا.. مش مَصروفنا.
* مش معقول الإنسان يكون أصلو قرد.. القرود نفسيتن حلوة.
* شو فارقة مَعى إذا سكّان الأرض 7 مليار، لَ طالَما ما عَم شوف غيرك بِ خلقتى كل النهار؟
* أنا مش كل مَرّة خَبِّرونى نكتة وضحكت كانت النكتة بتضَحِّك.. طَيِّب شو؟ إنّو بَدِّك تعمل مشكل عَ نكتة بايخة؟
* مَع إنّو تمِّك قَد الفستقة، كيف قدرتى بَلَعتى هَالراديو ما بَعرِف.
* بُكرا بيكبَروا الولاد وبيَعرفوا إنّو الهَمبرغر الطَّيِّب داخلّو كاوتشوك.
* ليليّة، كل مَ جَرِّب امبسط بِ نَومتي.. بغفى..
* أوقات بيتهَيألَك إنّو خَف الاستغلال.. إيه ما بِكون خَف.. بتكون حَضرة جنابَك تعَوِّدت عليه.
* أنا تجَوزتك عَ أساس بتوقَفى مَعى بِ آخرتى.. بَس مش إنّو إنتى تجيبيلى آخرتى.. يمكن إنتى ما فهمتى علَيّى وقتها.
* تعَرَّفت عَ واحَد مخّو بِسَكِّر نهار الأحَد، وأيّام الأعياد. متل المحّلات تماماً.
* خَلّيك عَم تقرا الجَريدة، حَتى ولَو ما عَم تفهم شى بالوضع.. خَلّيك، ثابر ع الجَريدة، لأنو هَى وَسيلتَك الوَحيدة لَ ما تفهم شى، وحجّتك مَعَك.
* لازم بالأخبار يقولوا عَن الأخبار قَبل ما تصير، مش بَعدين.
* النوم پروڤا لَ الموت.
* كل المحاولات لَ تصليح هذا البلد باءت بالفشل، وبائة الفشل أرخص من بائة البقدونس.
* هاى بلد؟ لأ مش بلد.. هاى قرطة عالم مجموعين مَجموعين؟ لأ.. مَطروحين؟ لأ.. مَضروبين؟ لأ.. مَقصومييين.. إيه قوم فوت نام وصير حلام.
* ممنوع أى حدا، أى مواطن يقول إنو عايشين عيشة كلاب، ليكو يا اخواتى الكلاب عايشين وصدقونى آخر همهن راسن مرتاح وماشى حالن انتو عايشين عيشة لبنان.
* ما تسألنى شو حاسس، وَقَّفنا الشعور، وَقَّفنا العواطف، وخصوصى الحَنين.
* انتِ مَعِك خَبَر إنّو رَح تاكلِ أصابيعِك نَدامة وَرايى؟
* كل ما بتسألنى كيفك بتذكر إنى مش منيح.. بتعرف؟ لو بلا هالسؤال؟
* كَتَبت شو عاييز أغراض على ورقة كرمال ما إنساهُن.. بَس نسيت الورقة.
* قوم فوت نام وصير حلام إنّو بَلَدنا صارت بَلَد.
* ولِك لَ تَعمل ثَورة ع النظام، لازم أوِّل عَ آخر يكون فى نظام.. أيّا نظام.
* يا حَبيب الرّوح شو عَم بتسَوّى؟ ساعة بتخَفَّف ساعة بتقَوّى.
* شو بدك تحكى ل تحكى؟ حدا بيحكى مع رشاش؟
* وقد أسفر الحادث عن مقتل خمسة أشخاص جنوب اليمن، من بينهم تسعة جنود أمريكيين..
* أهَم شى الصحة طبعاً، بَس الصحّة لَ وَحدها ما بتكَفّى.. بَدَّك تطَعميها خبز للصحّة.
* فيك تحلّ عَن التراث؟ يلعنلَك هالراس.
* سامع بالرّيحة الطَّيبة؟ فيك تفرقنا بريحة طَيبة؟
* إيه فى أمَل.