"لعبت في وشي" و"كل عيلتي هتورثني".. 16 تصريحا لإلهام شاهين مع "فاهيتا"

حلت الفنانة إلهام شاهين، ضيفةً على برنامج "أبلة فاهيتا"، الذي يُذاع على قناة "سي بي سي"، أمس الجمعة.
وترصد "الوطن"، أبرز تصريحات الفنانة "إلهام"، وإجاباتها على الأسئلة التي طرحتها الدمية "كارو" مقدمة البرنامج.
"أحب أخد وأدي في كل حاجة"
"مش هقول سني عشان مفضحش كل بنات جيلي"
"برجي الجدي.. بنطح اللي قدامي .. وبخش بنفوخي في أي حاجة"
"مطلقة.. والجواز علمني متجوزش تاني"
"أكبر إخواتي.. وكل عيلتي هتورثني لأني مخلفتش"
"بقعد على حلة ورق العنب.. هو اللي بيتخني"
"مؤدبة.. مبعرفش أشتم خالص ودرست فرنساوي وإنجليزي"
"مينفعش حد يقلد حد.. لازم يكون لكل واحد شخصيته المستقلة"
"جدعة.. وبحب الدفاع عن القضايا الإنسانية"
"كان نفسي أتعلم روسي.. وناوية أروح كأس العالم"
"بشجع الأهلي ومتعصبة له.. ومبحبش اللي يجي عليه"
"لعبت في وشي.. وأخدت حقن فامباير ونفرتيتي وبوتكس"
"أول علاقة حب كان جارنا وكان صاحب بابا"
"لسه بحب حد من الX بتوعي"
"كان نفسي أكون راقصة باليه"
"أحمد زكي أفضل ممثل في تاريخ مصر"