توجه المنتج ريمون مقار بالشكر لمجموعة قنوات "DMC"، بسبب دعمهم لمسلسل "الأب الروحي". وقال ريمون عبر حسابه على "فيس بوك"، "بعد إذاعة 10 حلقات من الأب الروحى، وبعد النجاح الكبير الذي حققه المسلسل الحمد الله ودى نعمهة كبيرة اتعودنا عليها من ربنا الحمد الله، أحب اقول حاجة مهمة جدا، إن النجاح ده له أصحاب غير شركه الإنتاج والمخرج والمؤلف والممثلين، فى ناس اشتغلت وتعبت كتير قوي عشان النجاح ده يحصل، مش احنا اللى عملنا ده لوحدنا". وأضاف: "بشكر كل القائمين على مجموعة قنوات DMC من أكبر واحد لأصغر واحد، وكمان شركة دى ميديا من أكبر واحد لأصغر واحد وأنا مش بجامل، ولا دى طريقتى ولا بطور علاقات عمل خالص، ده حقهم بجد وده أقل حاجه تتعمل معاهم". وتابع مقار: "الناس دى مكانوش بينامو، بشكر المهندس طارق إسماعيل اللي أتحمس للمشروع من البدايه وشاف أنه هيكون بداية قوية ل DMC، بشكر الأستاذ عماد ربيع، اللى كان داعم للمشروع طوال فتره التحضير والتنفيذ، بشكر الأستاذ محمد رشاد، بشكر الاستاذ محمد فؤاد صديقي المحترم اللى توقع نجاح الموضوع من أول يوم وقالى أنا براهن على الأب الروحى هيكسر الدنيا، بشكر الأستاذ عمرو الفقي، بشكر الاستاذ رياض قورة، والاستاذ عمرو الشريف، عارف أن فى ناس كتير يستحقو هذا الشكر بس أنا بقول على الناس اللى أانا اتعاملت معاهم بشكل مباشر، مبروك عليكو نتيجه تعبكو الأب الروحى الجزء الأول DMC.. الحمد الله نجاح". مسلسل "الأب الروحي" بطولة محمود حميدة، أحمد فلوكس، محمد عادل، سوسن بدر، مي سليم، عايدة رياض، أحمد عبد العزيز، وإيهاب فهمي، إنتاج مجموعة "فنون مصر" ريمون مقار ومحمد محمود عبد العزيز، تأليف هاني سرحان ومحمد جلال، إخراج بيتر ميمي.
